Ички иштер министрлигинин кызматкерлери ишембиликке чыгышты

Бүткүл дүйнөлүк тазалык күнүнө карата 2021-жылдын 18-сентябрь күнү Кыргыз Республикасынын ИИМдин Борбордук аппаратынын кызматкерлери аймакты көрктөндүрүү, тазалоо  боюнча ишембиликке чыгышты.

Ишембиликке ички иштер министрлигинин борбордук аппаратынын бардык бөлүктөрүнүн кызматкерлери катышты.

 Керектүү жабдыктар менен кызматкерлер таштандыларды,   жалбырактарды жана чөптөрдү чогултуп,   тазалашты.  Милиция кызматкерлеринин бирдиктүү аракеттеринин натыйжасында   бир нече сааттын ичинде министрликтин айланасы көрктөнүп,  бардык жер тазаланды.

ИИМдин Басма сөз кызматы