Кыргыз Республикасынын Президенти Садыр Жапаров Коопсуздук кеңешинин кезектеги жыйынында ички иштер органдарынын ишмердүүлүгүнө баа берип, жетекчилик курамды ротациялоо коррупциялык көрүнүштөрдү минималдаштыруу үчүн жасалганын баса белгиледи.

&ldquo;Мага жеткен маалыматтар боюнча ички иштер органдарынын жетекчилик курамында &nbsp;масштабду түрдө ротациялар жүргүзүлгөн. Бул биринчи кезекте коррупциялык көрүнүштөрдү минималдаштыруу үчүн жасалган деп билебиз. Анткени жетекчилердин айрымдары өз креслолорунда бир нече жылдан бери олтуруп, жергиликтүү криминалитет менен &nbsp;жана башка деструктивдүү күчтөр менен биргелешип, жакындашып алышкан. Натыйжада криминалдык чөйрөнүн айрым мүчөлөрү жазага тартылбайбыз деп, өздөрүн ишенимдүү сезишип, баарын жасай берсе болот деп, өздөрүн абдан мындай бир ишенимдүү сезип алышкан. Мындай &nbsp;мыйзамга каршы келген аракеттерди &nbsp;Улуттук коопсуздук кызматы менен Ички иштер министрлиги өз учурунда токтоттуңуздар, буга татыктуу баа берсек болот.&nbsp;

Ошол эле учурда, &nbsp;Улан Омоканович менен Октябрь Жолдошевич, сиздер Ички аскерлердин потенциалын көтөрүүгө, алардын даярдыктарын, дайым даяр турууга жакшыртууга кылдат көңүл бурушунуздар керек. Керек болсо ички аскерлерде дагы ротация жүргүзгүлө, ким татыктуу болсо кызматынан көтөргүлө, татыксыздар болсо дароо иштен алгыла. Күтүп отурганга бизде убакыт жок, кадр потенциалын бекемдегиле, керек болсо ардагерлерди ишке тарткыла. Алардын иш тажрыйбасын колдонгула, күнү-түнү жигердүү иштеп жаткан жаш офицерлерге, сержанттарга, прапорщиктерге, дем-күч, мындай бир стимул берип, аларды ар тараптан колдогула. Ошондо иштериңиздерге эффиктивдүү жардамдар болот алардан. Алдыңарда коюлган милдеттерди так аткара аласыңар деп ишенемин, кетип бара жаткан темпиңерден жазбагыла&rdquo;, - деп билдирди Садыр Жапаров.&nbsp;

ИИМдин Басма сөз кызматы

Коопсуздук кеңешинин кезектеги жыйынында өлкө башчысы Садыр Жапаров милиция кызматкерлеринин ишмердүлүүгүнө баа берди

2023-жылдын 14-июнунда Кыргыз Республикасынын ички иштер министрлигинин &nbsp;милициянын генерал-майору Эргеш Алиев атындагы Академиясында курсанттардын бүтүрүү аземи болуп өттү. Быйыл, ИИМдин Академиясын 100 курсант аяктап, жогорку билимдүү дипломдорун жана алгачкы лейтенант наамын алышты. Бүтүрүүчүлөрдүн ичинен 25 кыздар. Ал эми сегизөө артыкчылык дипломдорун алышты.&nbsp; 
 
Салтанаттуу иш-чарага ички иштер министринин биринчи орун басары милициянын генерал-майору Адылбек Бийбосунов, Президенттин кеңешчиси, юридика илимдерини доктору Бекбосун Бөрүбашев, кыргыз милициясынын генералдары Тилек Асаналиев, Садырбек Дубанаев, &nbsp;Абдыкапар Мавлянов, &nbsp;ИИМдин Ардагерлер кеңешинин төрагасы Султанбек Жоошбаев, &nbsp;Академиянын жетекчилиги жана ардагерлери, Э. Алиев атындагы фондунун өкүлдөрү, Эргеш Алиевдин туугандары, бүтүрүүчүлөрдүн ата-энелери, туугандары жана достору катышышты. &nbsp; 
 
Алгач, министрдин биринчи орун басары Адылбек Бийбосунов, бүтүрүүчүлөргө кайрылып, алар &nbsp;Ата Мекенибиздин эң жооптуу болгон коомдук коопсуздукту сактоодо, кылмыштуулук менен күрөшүүдө тайманбастык жана эрдик менен эмгектене турган кызматка бара жаткандарын баса белгиледи. &nbsp; 
 
&ldquo;Урматтуу бүтүрүүчүлөр! Силерге жүктөлгөн милдеттерди ак ниет менен аткарышыңар мамлекетибиздин көз карандысыздыгынын бекемделүүсүнө жана улуттук кызыкчылыктарды коргоого түрткү жаратып, баарыңардан кесипкөйлүктү, моралдык, адептик сапаттарды талап кылат. Сиздердин ар бириңиздер биздин мамлекетибиздин чыңдалышына, анын өсүп өнүгүшүнө салым кошосуздар деп ишенемин. 
 
Бүгүнкү күндө өлкө жетекчилиги тарабынан коюлган приоритеттик маселелердин ичинен жарандардын укуктарынын жана эркиндиктеринин сакталуусун, экстремисттик көрүнүштөргө жол бербөөнү жана коррупция менен күрөшүүнү өзгөчө белгилеп кетким келет. 
 
Мындан сырткары, урматтуу бүтүрүүчүлөр, силердин кызматыңарга кылган мамилелеңерден, кесипкөйлүүлүктөн, адептик сапаттарыңардан жарандар жалпысынан биздин ички иштер министрлигинин ишмердүүлүгүн баалайт. Себеби жарандар ички иштер органдарынын кызматкери менен өздөрүнүн коопсуздугун, корголгондугун байланыштырып, ар бириңиздерден тез арадагы жасалган аракеттерди жана жардамды үмүттөнүшөт. 
 
Кыргыз милициясынын легендарлуу генералы Эргеш Алиев атындагы Академияда алган билимиңиздер, тажрыйбаңыздар Кыргыз милициясына таза жана адилет кызмат кылууда негизги өзөк катарында калышы керек. 
 
Мен коомдук тартипти сактоо, жарандардын коопсуздугун коргоодо берген Антыңарга бекем туруп, өзүңүздөрдүн парзыңыздарды кесиптик жогорку чеберчиликте аткаруу менен бирге эле өлкөбүздүн жарандарынын коопсуздугун, мамлекетибиздин кызыкчылыгын жана мыйзамдын талаптарын сактайт жана коргойт деп ишенемин. Анткени жарандардын мыйзамдуу укуктарына жана кызыкчылыктарына кылдат мамиле жасоо жана алардын ишеничин актоо сиздердин негизги милдетиңер. 
 
Чыныгы офицер абийирин, кадыр-баркын, антка болгон бекемдигин сактоого жана Ата Мекенге кызмат кылуунун үлгүсү болууга милдеттүү. Андыктан ар бирибизден кайраттуулукту, бекемдикти, айрым учурларда чечкиндүүлүктү талап кылат,-деп билдирди Адылбек Бийбосунов.&nbsp; 
 
Ошондой эле, министрдин биринчи орун басары кызматка киришип жаткан кесиптештерине &nbsp;чың ден соолук, темирдей кайраттуулук, алмаздай бекемдик жана эр жүрөктүүлүктү каалап, алар кыргыз элине ак ниет, таза, чынчыл кызмат кылып, ички иштер органдарынын кызматкеринин кадыр-баркын терең сактап, кыргыз элинин сыймыгы боло турган мыкты кесипкөй кадрлардан болуу керектигин баса белгиледи.&nbsp; 
 
Андан сырткары, ал бүтүрүүчүлөрдүн ата-энелерине кайрылып, Мекен үчүн ушундай уул-кыздарды тарбиялап, өстүрүп, жооптуу кызматты аркалоого түрткү болгондору үчүн &nbsp;ыраазычылыгын билдирди.&nbsp; 
 
Мындан ары, &nbsp;ИИМдин Академиясынын бүтүрүүчүлөрү Ички иштер органдарынын толук кандуу кызматкерлери болуп, бөлүштүрүүлөрдөн соң, аймактарда кызмат өтөөгө киришишет. Эми алар коомдук коопсуздукту камсыздоо, кылмыштуулук менен күрөшүү, кылмыштардын бетин ачуу жана иликтөө иштерин аткаруу милдетин алышты.&nbsp; 
 
Иш-чаранын жүрүшүндө салтка айланып калгандай, бүтүрүүчүлөр Академиянын үйлөмө аспаптар оркестринин коштоосунда, ИИМдин Академиянын &nbsp;күжүрмөн туусу менен коштошуп, салтанаттык жүрүш менен өтүштү.&nbsp; 
 
Салтанаттуу иш-чара &nbsp;бүтүрүүчүлөрдүн аткаруусундагы &nbsp;&ldquo;Офицердик вальс&rdquo; менен жыйынтыкталды.

ИИМдин Басма сөз кызматы

ИИМдин Академиясында курсанттардын бүтүрүү аземи болуп өттү

Кыргыз Республикасынын ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда.

Бишкек шаары боюнча Күзөт кызматынын кызматкерлери борбордук көчөлөрдө коомдук коопсуздукту камсыздоодо.&nbsp;

ИИМдин Күзөт кызматынын Басма сөз кызматы

ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда

Бүгүн Кыргыз Республикасынын Ички иштер министри, милициянын генерал - лейтенанты Улан Ниязбеков менен Россия Федерациясынын министри Владимир Колокольцевдин жолугушуусу болуп өттү.

Жолугушуунун жүрүшүндө Улан Ниязбеков Владимир Колокольцевди Улуу Жеңиш күнү менен куттуктады.

&quot;9-май Улуу Жеңиш күнү &ndash; бул өмүрүн аябастан өз мекенин коргоп, фашизмден бошоткон чыныгы баатырлардын-советтик адамдардын даңазалуу муунунун эрдиги үчүн элибиздин чексиз кубанычынын жана сыймыгынын жаркын майрамы.

Бул маанилүү күндө сиздерге жана ички иштер органдарынын жалпы өздүк курамына бекем ден соолук, бакубатчылык жана мындан аркы ийгиликтерди каалайм&quot;, - деди Кыргыз Республикасынын ИИМдин башчысы.

Министрликтин жетекчилери Россия Федерациясынын Өкмөтү менен Кыргыз Республикасынын Министрлер Кабинетинин ортосунда ички иштер органдарынын ишмердүүлүгүнө кирген маселелер боюнча электрондук түрдө маалыматтык өз ара аракеттенүү жана маалымат алмашуу жөнүндө макулдашууга кол коюшту.

Аталган макулдашуу ыкчам-кызматтык иштин ар кандай багыттары боюнча эл аралык укуктук базанын алкагында координацияланган иштин заманбап механизмдерин түзүүгө мүмкүндүк берет.

Мындан тышкары, 2019-2023-жылдарга кылмыштуулукка каршы күрөшүүнүн биргелешкен чараларынын Мамлекеттер аралык программасын ишке ашыруунун натыйжалуулугу жана анын алкагында жүргүзүлүп жаткан &quot;Издөө&quot; ыкчам-түшүндүрүү операциясынын аяктаган биринчи этабынын оң натыйжалары белгиленди.

Россиялык ведомствонун башчысы кадрларды даярдоо жаатында, анын ичинде кибер кылмыштуулукка каршы күрөшүү багытында мындан аркы көмөк көрсөтүүгө даяр экендигин билдирди.

Тараптар Россия менен Кыргызстандын укук коргоо органдарынын ортосундагы достук жана көп кырдуу кызматташууну баса белгилеп, эки мамлекеттин жарандарынын коопсуздугунун кызыкчылыгында мындан ары да чыңдала берерине ишеним билдиришти. КМШ, ЕАЭБ, ЖККУ жана ШКУ форматтарындагы көп тараптуу кызматташууга жогорку баа берилди.

ИИМдин Басма сөз кызматы

Улан Ниязбеков менен Владимир Колокольцев укук коргоо тармагындагы маалыматтык кызматташуу тууралуу өкмөттөр аралык келишимге кол коюшту

Улуу Ата Мекендик согуштун Жеңиш күнүнүн 78 жылдыгын майрамдоонун алдында Кыргыз Республикасынын ички иштер министринин биринчи орун басары, милициянын генерал-майору Адылбек Бийбосунов Согуштун ардагерлери Асек Урмамбетов менен Туркенакун Бейшенбаев, ошондой эле ооруктун ардагери Чоюнбек Сагынбаевге барышып, жылуу сөздөрүн айтышып, куттуктады.

ИИМдин жетекчилиги ардагерлерди келе жаткан Жеңиш майрамы менен куттукташып, Жеңиш үчүн жалпы салымдарын кошушуп, фашизмди жеңүүгө түрткү берген ооруктагы адамдардын дагы талыкпас эмгектерин баса белгилешти.

Өз кезегинде, ооруктун ардагери Чоюнбек Сагынбаев согуштун оор күндөрүн, өзүнүн өмүр таржымалын эскерип, сүрөттөрүн көрсөтүп, насаатчылык кебин дагы айтты. Ардагер согуш убагында өспүрүм кезинде оорукта кары-картаңдар, аялдар менен бирге иштеп, кийин узак жылдар бою ички иштер органдарында үзүрлүү эмгектенген Чоюнбек Сагынбаевди куттуктады.

Чоюнбек Сагынбаев согуш башталган жылы он жашта болгон. Согуштан кийин ал милициянын жогорку мектебинде окуган. Ал ишин аймактык инспектордон баштап, Ош облустук ички иштер башкармалыгынын башчысынын орун басары кызматында иштеген.

Азыркы учурда Улуу Ата Мекендик согуштун жеңүүчүлөрүнүн көбү тирүү эмес. Бүгүнкү күнү ардагерлер өзгөчө көңүл бурууга татыктуу.

Ооруктун эмгекчилери менен Улуу Ата Мекендик согуштун ардагерлеринин жубайлары милицияларды көңүл буруп келип куттуктап кетишкендерине ыраазычылыктарын билдиришип, Мекенге болгон кызматтарына ийгиликтерди каалашты. 
Жеңиш күнүн майрамдоонун алдында бардыгы Кыргыз Республикасынын ички иштер министрлигинин атынан баалуу белектер жана акчалай сыйлыктар менен сыйланышты.

Азыркы учурда, ушундай иш-чаралар республиканын бардык аймактарында өтүп, ИИОнун түзүмдөрүнүн жетекчилери, облустук, шаардык ички иштер башкармалыктарынын башчылары Улуу Ата Мекендик согуштун ардагерлери-отставкадагы милицияларын, ооруктун эмгекчилерин куттукташууда.

ИИМдин Басма сөз кызматы

Ички иштер министрлигинин жетекчилиги Улуу Ата Мекендик согуштун ардагерлерин куттуктады

Ички&nbsp; иштер органдары тарабынан 2022-жылдын 12 ай ичинде каржылык пирамидаларды уюштуруу фактылары боюнча жалпысынан 1052 кылмыш иши боюнча тергөө иштерин жүргүзгөн, анын ичинен 765 кылмыш иштин тергөөсү аяктап, соттук кароого жиберилген. Кыргыз Республикасынын ЖПКнын 27-беренесинин (кылмыш-жаза сот өндүрүшүн&nbsp; жокко чыгаруучу жагдайлар) негизинде, 129 кылмыш иши өндүрүштөн кыскартылган. Ал эми Кыргыз Республикасынын ЖПКнын 246-беренесинин&nbsp; 1-бөлүгүнүн 3-пунктунун негизинде (айыпталуучу катарында жоопко тартууга тийиш болгон жакты аныктоого мүмкүн болбогондо) 4 кылмыш иши токтотулуп, калган 153 кылмыш иш боюнча тергөө амалдары&nbsp; улантылууда.&nbsp;

Жогорудагы фактылардын басымдуу көпчүлүгү Бишкек шаарында, калганы Ош жана Ысык-Көл облустарында катталган. Жабыркагандардын жалпы саны - 1052 адамды түзүп, келтирилген материалдык чыгым 273 миллион сомдон ашкан. Ал эми, келтирилген материалдык чыгымдын 481 000 сомдон ашыгы ээлерине өндүрүлүп берилген.

Ошондой эле, 2023-жылдын 3 ай ичинде каржылык пирамидаларды уюштуруу фактылары боюнча жалпысынан 54 кылмыш иши козголгон, эски жылдан 153 кылмыш иши өтүп баардыгы болуп 207 кылмыш иши боюнча тергөө амалдары жүргүзүлгөн. Анын ичинен 67 кылмыш ишинин тергөөсү аяктап соттук кароого жиберилген. Ошондой эле 1 кылмыш иши өндүрүштөн кыскартылып, учурда 138 кылмыш иштери боюнча тергөө амалдары улантылууда. Бүгүнкү күндө жабырлануучулардын саны 206 адамды түзөт.

Каржы пирамидаларын уюштурган ишканалар;Бишкек шаары боюнча: &ldquo;Мега Инвест&rdquo;, &ldquo;Элиза үй буюмдары&rdquo;, &ldquo;Асыл айымдар&rdquo;, &ldquo;Финико&rdquo;, &ldquo;Файв виндс ассет мейважмемт&rdquo; жана &ldquo;ОК платформа&rdquo; каржы пирамидалары;

Ош шаары боюнча: &ldquo;Ордо-Мурас&rdquo; каржы пирамидасы;Ысык-Көл облусу боюнча: &ldquo;Аруке&rdquo;, &ldquo;Жүрөкө-Жүрөк&rdquo; жана &ldquo;Балыкчы Ынтымагы&rdquo; каржы пирамидалары;Нарын облусу боюнча: &ldquo;Мега Инвест&rdquo; жана &ldquo;Элиза үй буюмдары&rdquo; каржы пирамидалары;

Чүй облусу боюнча: &quot;Алмаз Авто&quot; каржы пирамидасы.Жалал-Абад облусу боюнча: &ldquo;Ансар групп&rdquo;, &ldquo;Ихсан ЛТД групп&rdquo; жана &ldquo;МПК&rdquo; коммерциялык эмес кооперативдери. 
Талас облусу боюнча: &ldquo;Эл Биримдик&rdquo;, &ldquo;Нворк&rdquo; жана &ldquo;Куестро Ворд&rdquo; каржы пирамидалары.&nbsp;

Жогоруда көрсөтүлгөн фактыларды талдап келгенде, жеңил акчанын артынан түшкөн жарандарыбыз аз убакыттын ичинде чоң дивиденттерди убада кылган &ldquo;кайрымдууларга&rdquo; карызга батып, акча берип алданып келет.

Каржы пирамида &ndash; каржылык алдамчылыктын эң кеңири таралган түрлөрүнүн бири. Адатта алдамчылар жакшы манипуляторлор жана акча алуунун жаңы жолдорун ойлоп табуу менен адамга психологиялык жана эмоционалдык жактан таасир этүүнү билишет.

Көп учурда алар кыймылсыз мүлктү, облигацияларды жана акциаларды сатып алууну сунушташып, укмуш рентабелдүү делген интернет-долбоорлорго, курулушка жана айыл чарбага инвестициялоого убада беришет. Каржы пирамидалар өздөрүн уюмдардын дээрлик бардык формасы катары жашырып иш алып барышы мүмкүн.&nbsp;

Ошондуктан ак эмгек менен тапкан акчаңызды мындай уюмдарга салаардан мурун, кырдаалды кылдаттык менен баалаңыз. Суроо берүүдөн жана документтерди талап кылуудан коркуунун же тартынуунун кереги жок. Бул сиздин акчаңызды коргоо максатында болуп жатат. Жана эсиңизде болсун: чоң суммадагы кирешелер чоң тобокелдиктерсиз болбойт!

Урматтуу жарандар, эгерде сиз же сиздин жакындарыңыз каржы пирамидасынын курмандыгы болсо же сизге карата укукка каршы аракеттер болуп жаткандыгына шектенип жатсаңыз- Ички иштер органдарына токтоосуз кайрылыңыз.

ИИМдин Басма сөз кызматы

Каржы пирамидасы – каржылык алдамчылыктын эң кеңири таралган түрлөрүнүн бири

ИИМдин тергөө кызматына Чүй областынын Достук айыйлыны тургундары жергиликтүү кеңештин депутатынын аракети боюнча арызын кароо өтүнүчү менен кайрылышкан. Маалым болгондой, айылдык кеңештин депутаты суу өткөрөбүз деп тургундардан 3500 сомдон акча чогултуп алган. Бирок, тургундар аткарылган иштерге нааразы болгон - түтүктөр сапатсыз болуп, жарабай калган. Сууну чыгарганга&nbsp; аттуу жеке компания жооптуу болгон.

Маалыматтарга караганда, демөөрчү катары би фонд дагы чыккан. Ишти&nbsp; &ldquo;И.К.&rdquo;&nbsp; аттуу жеке фирм жүргүзгөн.

Топтолгон материалдардын негизинде КРнын Кылмыш-жаза кодексинин 209-беренесинин 4-бөлүмү (Алдамчылык) боюнча кылмыш иши козголгон. Тергөө иштерин Аламүдүн районунун ички иштер бөлүмү жүргүзүүдө.

Кылмыш ишинин алкагында ИИМдин Кылмыш иликтөө башкы башкармалыгынын Чүй жана Талас облустары боюнча уюшкан кылмыштуулукка каршы күрөшүү башкармалыгынын кызматкерлери тарабынан ыкчам-иликтөө иш-чаралары жүргүзүлүп, Аламүдүн районундагы жергиликтүү айылдык кеңештин депутаты И.У. аттуу жаран тергөө кызматына жеткирилип, андан ары убактылуу кармоочу жайга киргизилген.

ИИМдин Кылмыш иликтөө башкы башкармалыгынан билдиришкендей, бул жаран буга чейин да бир нече жолу кылмыш жоопкерчилигине тартылган, анын үстүнө учурда башка кылмыш иши боюнча айыпталууда.Азыркы учурда тергөө амалдары улантылууда. Келтирилген чыгым такталууда.&nbsp;

Аталган маселе боюнча жарандарда суроолор же арыздар боло турган болсо Аламүдүн райондук ички иштер бөлүмүнө төмөнкү телефондорго кайрылыңыздар. 0(312) 36-35-23, 36-35-27&nbsp;

ИИМдин Басма сөз кызматы&nbsp;

Жергиликтүү кеңештин депутаты алдамчылыкка шектелүүдө

Кыргыз Республикасынын ИИМдин КИББнын үчүнчү башкармалыгы жана Тергөө кызматы тарабынан, Кыргыз Республикасынын Кылмыш-жаза кодексинин 240-беренеси &laquo;Спирт жана спирт ичимдиктерин мыйзамсыз өндүрүү&raquo; менен козголуп, тергөө иштери жүрүп жаткан кылмыш ишинин алкагында тергөө-ыкчам-иш-чаралары жүргүзүүдө.

Жасалмы алкоголдук продукцияларды жайылтуу жана керектөөчүлөрдүн укуктарын бузуу фактыларын аныктоого багытталган иштер жүргүзүлүүдө.

Мындай иш чараны ИИМдин ыкчам кызматтарынын жана мамлекеттик көзөмөлдү жүзөгө ашырууга ыйгарым укуктуу мамлекеттик органдардын катышуусу менен өткөрүүнүн себеби, спирт ичимдиктерди, ошондой эле жасалма акциздик маркаларды мыйзамсыз өндүрүү, сактоо жана ташуу фактылары жөнүндө так маалыматтардын келип түшүшү менен байланыштуу. Акыркы убакта жасалма алкоголдук продукцияларды өндүрүү жана сатуу кеңири жайылууда.

Кампаларды жана башка объектилерди текшерүүнү Ички иштер органдарынын кызматкерлери, КР Мамлекеттик салык кызматы жана алкоголдук ичимдиктерди өндүрүүнү көзөмөлдөө боюнча мамлекеттик агенттик (Мамалкоагенттик) менен биргеликте жүргүзүшкөн.

Мурда козголгон кылмыш ишинин жүрүшүндө мыйзамсыз өндүрүлгөн алкоголдук ичимдиктерди өндүрүүчү жана сактоочу даректер аныкталган. Аталган 12 даректе жүргүзүлгөн тинтүү иш чараларынын жүрүшүндө ири өлчөмдөгү спирттүү продукциялар табылып, алынган.

Тинтүү иш чарасы Бишкек шаарынын жана Чүй облусунун аймактарында жүргүзүлүп, ири өлчөмдөгү контрафактылык алкоголдук ичимдиктер табылган. Алынган продукциянын жалпы саны 3645 бөтөлкө спирт ичимдиктери, 185 литр спирт, 2463 даана акциздик марка. Кармалган ичимдиктердин арасында шек жараткан арак жана виски бренддери бар.

Тергөө-ыкчам иш-чараларынын жүрүшүндө КИББнын жана Тергөө кызматынын кызматкерлери тарабынан башка мамлекеттик органдар менен биргеликте контрафакттык алкоголдук спирттүү продукцияларды мыйзамсыз өндүрүүгө жана сатууга тиешеси бар адамдардын ишмердүүлүгүнө бөгөт коюшкан.

Ошентип, Сокулук районунун Военно-Антоновка айылында жайгашкан жергиликтүү тургунга таандык даректердин бирине тинтүү жүргүзүү учурунда 1598 даана шектүү акциздик маркалар, курамында белгисиз суюктук аралашмасы бар 306 бөтөлкө суюктук, көлөмү 0,7 жана 0,5 литр болгон &quot;Органик&quot; алкоголдук ичимдиктери, 750дөн ашык пластик жана алюминий капкак, арактын ар кандай бөтөлкөлөрү үчүн этикеткалар, эки 25 литрлик флягалар жана өзгөчө жыты бар спирт суюктугу куюлган 10 литрлик пластик бөтөлкөлөр, ошондой эле бөтөлкөлөрдүн оозун бекитүүчү аппараты табылып алынган.

Ысык-Ата районунун Дача айылында тинтүү учурунда канистрлерге куюлган 90 литр спирт жана 85 бөтөлкөдөн ашык айнек бөтөлкөгө куюлган спирт суюктугу табылган.

Ала-Тоо жаңы конушунда жергиликтүү тургундун жанынан 7 даана&nbsp; &laquo;Спирт&raquo; деген жазуусу бар беш литрлик пластик идиштер, ошондой эле 100 даанадан ашык ар кандай маркадагы коньяк, арак, виски жана бош айнек идиштер табылган.

Чүй облусунун Лебединовка айылындагы кафелердин бирине жакын жерде &laquo;Тойота Авенсис&raquo;&nbsp; үлгүсүндөгү унааны текшерүү учурунда көп сандагы контрафактылык алкоголдук продукциялар табылган: &laquo;Пшеничная&raquo; үлгүсүндөгү 396 даана арак (0,1 литр), &quot;Беленькая&quot; үлгүсүндөгү 70 бөтөлкө арак (0,5 литр), &quot;Беленькая&quot; үлгүсүндөгү 30 бөтөлкө арак (0,24 литр), ошондой эле башка үлгүдөгү спирт ичимдиктери. Жалпысынан 560 бөтөлкө мыйзамсыз спирт ичимдиктери аныкталган.

Аламүдүн районунун Лебединовка айылынын жашоочусунун үйүн тинтүү учурунда көп өлчөмдөгү контрафакттык спирт ичимдиктери табылды:

Алсак, &laquo;Пшеничная&raquo; үлгүсүндөгү 1260 бөтөлкө арак (0,1 литр), &laquo;Аю&raquo; үлгүсүндөгү 828 бөтөлкө, &laquo;Беленькая&raquo; үлгүсүндөгү 220 бөтөлкө арак, анын ичинен жарымы акциздик маркалары менен, ошондой эле спирт ичимдиктердин башка түрлөрү.

Бул дарек боюнча жалпысынан 2560 бөтөлкөдөн ашык&nbsp; шектүү спирт ичимдиктери табылган.

Чүй облусунун Сокулук айылынын тургунунун үйүнө тинтүү учурунда 868 шектүү акциздик марка табылган, ошондой эле, акциздик маркасы бар жана акциздик маркасы жок 20дан ашык бөтөлкө даяр алкоголдук продукциялар жана көп сандагы ар кандай үлгүдөгү этикеткалары чапталган бош бөтөлкөлөр, сипрт суюктуктары куюлган канистрлер табылган.

Бишкек шаарынын тургунунун үйүнөн тинтүү учурунда арактын ар кандай үлгүсүндөгү 57 бөтөлкө, ошондой эле акциздик маркалар, бөтөлкөнүн капкактары салынган бир нече кутучалар жана башка буюмдар табылып алынган.

Ошондой эле, Бишкек шаарынын башка тургунунан акциздик маркалары жок 13 даана коньяк, жана башка шектүү спирт суюктуктары табылган.

Учурда тергөө иштери жүргүзүлүүдө.

ИИМдин Басма сөз кызматы

Контрафакттык алкоголдук продукцияны мыйзамсыз өндүрүүгө жана сатууга тиешеси бар адамдардын ишине бөгөт коюлду.

2023-жылдын 5-май күнү Кыргыз Республикасынын ИИМдин Республикалык окуу борборунун талапкерлер арасында Кыргыз Республикасынын Конституциясынын 30 жылдыгына арналган брейн-ринг болуп өттү.

Талапкерлер арасында баш мыйзамыбыз Конституция тууралуу&nbsp; өткөрүлгөн брейн-ринг таймашында&nbsp; саламдашуу, суроо-жооп, пантомима, командалык тапшырма, чыгармачылык сынак жана капитандардын таймашы деген&nbsp; 6 этаптан түзүлүп, командалар жарышка чыгышты.

Мындай максаттагы брейн-ринг билим алып жаткан талапкерлердин билим алуусуна, чыгармачылык өсүүсүнө жакшы шарт болот жана аларды шыктандырат.

Жыйынтыгында 3-окуу взводу биринчиликке ээ болуп уюштуруучулар тарабынан белектер тапшырылды.

Мындай иш-чара талапкерлердин Кыргыз Республикасынын Конституциясына болгон кызуугусун жана команда менен иштөөгө шыктандырат.

ИИМдин Басма сөз кызматы

ИИМдин РОБдун талапкерлер арасында КРнын Конституциясынын 30 жылдыгына арналган брейн-ринг болуп өттү

2023-жылдын 4-майында Бишкек шаарындагы Кинематография департаментинин залында Этномузыкага кайрадан жан киргизген, дүйнөгө аты кеткен &ldquo;Ордо Сахна&rdquo; фольклордук-этнографиялык театрынын&nbsp; чыгармачылык концерти болуп өттү.&nbsp;

Анда, ИИМдин Борбордун талапкерлери &quot;Ордо Сахна&quot; фольклордук-этнографиялык&nbsp; театрынын аталган концертине катышты.&nbsp;

&ldquo;Ордо Сахна&rdquo; байыркы улуттун уңгусунда уюп жаткан күүлөрдү азыркы замандын акылына сиңире турган кылып иштеп чыгууда, жайылтууда опол тоодой эмгек кылгандыгын искусство чөйрөсүндөү адистер баса белгилеп келген.&nbsp;

Бул кечеде ИИМдин Борбордун талапкерлери&nbsp; кыргыз элинин байыркы күүлөрүн, аспаптарын жана манасчылардын &ldquo;Манас&rdquo; эпосунан&nbsp; айткан үзүндүлөрүн угуп, рухий жактан жан дүйнөсүнүн азыгын байытып кетишти.&nbsp;

Бул иш-чарага КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов да келип катышты.&nbsp;

Чыгармачылык&nbsp; менен өткөрүлгөн салтанаттуу иш-чаранын аягында ИИМдин Борбордун талапкерлери КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов менен эстеликке сүрөткө түшүштү.&nbsp;

Бул инсандар&nbsp; талапкерлерге окуусунда ийгилик каалап, ушундай маданий иш-чараларга көп катышып рухий жан дүйнөсүн байытуусуна тилектеш болушту.

Аталган иш-чара&nbsp; ИИМдин Борбордун административдик тармактар циклынын куратордук иштеринин алкагында уюштурулду.

ИИМдин Басма сөз кызматы&nbsp;

ИИМдин Республикалык окуу борборунун талапкерлери "Ордо Сахна" фольклордук-этнографиялык  театрынын концертине катышты

2023-жылдын 3-майында&nbsp; ИИМдин Республикалык&nbsp; окуу борборунда&nbsp; Бишкек шаарынын Ленин районунун аймагында жайгашкан № 50 орто мектептин&nbsp; окуучуларына жашы жетеэлек өспүрүмдөр арасында кылмыштуулуктун алдын алуу, патриоттуулук&nbsp; сезимдерин&nbsp; ойготуу жана кесиптик багыт берүү&nbsp; максатында &laquo;Ачык Эшик күнү&raquo; иш-чарасы өткөрүлдү.

Иш-чаранын жүрүшүндө мектеп окуучуларына&nbsp; милициянын генерал-майору Ж.Ш.Шабировдун музейи, окуу процессин жогорку деңгээлде өткөрүү үчүн жасалгаланган атайын&nbsp; адистештирилген окуу аудиториялары,&nbsp; кызматкерлер жана талапкерлер машыгуучу спорт зал, криминалистик борбор, ок атуучу жай&nbsp; менен тааныштырылып, маалыматтар&nbsp; жеткирилди.

Андан тышкары, куралдуу кылмышкерлерди кармоо көндүмдөрүн, бир нече адам физикалык каршылык көрсөткөндө ИИОнын кызматкерлеринин аракеттерин, ошондой эле МТ- 9мм&nbsp; жана Калашников автоматын толук эмес чачуу жана чогултуу, самбо ыкмаларын үйрөтүү боюнча борбордун талапкерлеринин көрсөтмөлүү презентациясы тартууланды.

ИИМдин Басма сөз кызматы&nbsp;

ИИМдин Республикалык окуу борборунда "Балдар биздин келечегибиз" аттуу "Ачык эшик күнү" иш чарасы өткөрүлдү

И.Арабаев атындагы Кыргыз мамлекеттик университетине милициянын генерал-майору Ж.Ш.Шабиров атындагы Республикалык окуу борборунун 7-8-окуу взводдорунун талапкерлери экскурсияга барышты.&nbsp;

Алар университеттин илимий китепканасы, музейи жана чоң жыйындар залы менен таанышып чыгышты. Анда И.Арабаевдин өмүр баяны, басып өткөн жолу тууралуу кеңири маалымат берилди.&nbsp;

Экскурсиянын жүрүшүндө окуу жайдын ректору Айгүл Абдраева талапкерлер менен жолугуп, өлкөнүн коопсуздугун коргогон мекен&nbsp; сакчыларга бекем ден соолук жана ийгиликтерди каалады.

ИИМдин Басма сөз кызматы&nbsp;

ИИМдин Республикалык окуу борборунун талапкерлери И.Арабаев атындагы КМУга экскурсияга барышты

Бишкек ШИИББи

ИИМдин БМЖККК Ош шаарында баңгиликтин алдын алуу боюнча бардык орто билим берүү мекемелеринин социалдык педагогдору жана тарбия иштери боюнча башкы мугалимдери үчүн семинар өткөрдү.

Баңгиликти алдын алуу &ndash; бул алдын алуунун бардык субъектилеринин, педагогдордун, мамлекеттик органдардын, коомчулуктун биргелешкен ишмердүүлү болуп саналат.

Бүткүл дүйнөлүк АИЖС менен күрөшүү күнүнө арналган бир айлыктын алкагында Кыргыз Республикасынын ИИМдин Баңгизаттарды мыйзамсыз жүгүртүүгө каршы күрөшүү боюнча кызматы жана Ош шаарындагы Кыргызстанга 40 жыл атындагы мектептин администрациясы тарабынан жаштар арасында баңгизаттарды колдонууну жана АИЖВди алдын алуу боюнча семинар уюштурулуп өткөрүлгөн.

Ош шаарында мектептин базасында шаардык жалпы билим берүү орто мектеп мекемелеринин бардык социалдык педагогдору жана директорлордун тарбия иштери боюнча орун басарлары үчүн баңгизаттарды колдонууну жана АИЖВди алдын алуу боюнча семинар өткөрүлдү.&nbsp; 
&nbsp; 
Аталган семинарда 50 дөн ашуун директордун тарбия иштери боюнча орун басарлары катышты. 
&nbsp; 
Баяндоочу катары Ош облустук психиатрия жана наркология борборунун, Ош облустук гемоконтакттуу гепатит вирустарын жана иммундук жетишсиздик вирустарын көзөмөлдөө борборунун адистери чыгып сүйлөшкөн. 
&nbsp; 
Семинардын жүрүшүндө катышуучуларга КР ИИМдин БМЖКККнын кызматкери милициянын подполковниги Жапакова Гулмира баңгизаттардын терс кесепеттери тууралуу айтып берип, АИЖВ түшүнүгү жана аны алдын алуу тууралуу видеоролик көрсөтүлүп, аяктады. 
&nbsp; 
ИИМдин Басма сөз кызматы

ИИМдин БМЖККК Ош шаарында баңгиликтин алдын алуу боюнча семинар өткөрдү

2023-жылдын 1-декабрь күнү Кыргыз Республикасынын ИИМдин Республикалык окуу борборунда талапкерлердин бүтүрүү салтанаты өткөрүлүп, &nbsp;талапкерлер окууларын ийгиликтүү аякташты.&nbsp;

Аталган салтанаттуу иш-чарага Кыргыз Республикасынын Ички иштер министрлигинин милициянын отставкадагы генерал-майору М.Д.Каниметов, &nbsp;милициянын отставкадагы генерал-майору Т.А.Асаналиев, Борбордун ардагерлер кенешинин төрагасы милициянын отставкадагы полковниги К.О.Сатыбалдиев, бүтүрүүчү талапкерлердин ата-энелери жана башка чакырылган коноктор катышты.

Иш-чара милициянын генерал-майору Ж.Ш.Шабировдун эстелигине гүлчамбар коюп, генералыбызды эскерүү менен башталды. &nbsp;

Салтанатта жүрүшүндө &nbsp;Борбордо окуу мезгилинде окуудагы ийгиликтери, үлгүлүү жүрүм-туруму, маданий-массалык жана коомдук иш-чараларга активдүү катышкандыктары үчүн тандалган талапкерлерге &nbsp;сыйлыктары тапшырылды.&nbsp;

Андан тышкары, иш-чарада &nbsp;талапкерлердин аткаруусунда обондуу ыр, &quot;Мен патриот&quot; флешмоб, милиция маршы номерлерин аткаруу менен коштолду.

ИИМдин Республикалык окуу борборунда (РОБдун) талапкерлердин бүтүрүү аземинин салтанаттуу иш-чарасы болуп өттү

Жол кыймылынын коопсуздугун камсыздоо башкы башкармалыгы (ЖКККББ) кызматкерлерди кабыл алуу сынагын улантууда.

Мында талапкерлерге коюлган негизги квалификациялык талаптар жеңилдетилген. Эми 19дан 30 жашка чейинки жарандар жол инспектору болуп иштей алат. Мурдагыдай жогорку билим милдеттүү эмес, жалпы орто билимге ээ болгону жетиштүү.

Буга чейин айдоочулук күбөлүгүндө А, А1, В,&nbsp; С категориялары болушу талап кылынган, азыр В менен С гана керектелет.

Конкурска катышууну каалагандар төмөнкү документтерди алып келиши керек: 
жеке арыз; 
кадрларды каттоо боюнча баракча: 
өмүр баяны эки экземплярда (кол менен жазылган жана компьютерде терилген); 
автобиографиялык реферат; 
билими тууралуу документтердин нотариалдык жактан күбөлөндүрүлгөн көчүрмөсү; 
нотариалдык жактан күбөлөндүрүлгөн эмгек китепчесинин көчүрмөсү; 
эркектер үчүн аскердик билеттин көчүрмөсү (түп нускасын конкурс учурунда көрсөтөт); 
паспорттун копиясы; 
никелешүү жана балдарынын туулгандыгы тууралуу күбөлүктөрү; 
укук коргоо органдарында иштөөгө жарактуулугу тууралуу аскердик-дарыгердик комиссиянын корутундусу; 
9х12 өлчөмүндөгү бир, 3х4 өлчөмүндөгү төрт сүрөт.

Документтер Бишкек шаарынын Ч. Валиханов көчөсү, 1а дареги боюнча кабыл алынат. Телефондор: (0312) 63-12-75, 63-09-00, 63-09-01. 
Кабыл алуу&nbsp; 22-декабрга чейин уланат.

 
ЖКККББнын басма сөз кызматы

Жол кыймылынын коопсуздугун камсыздоо башкы башкармалыгы (ЖКККББ) кызматкерлерди кабыл алуу сынагын улантууда

ИИМдин Тергөө кызматы кызмат адамына пара берүү фактысы боюнча кылмыш ишин тергеп жатат. ИИМдин КИББдин 4-башкармалыгынын ыкчам кызматкерлери &nbsp;Финансы министрлигинин аудит кызматынын кызматкери менен биргеликте билим берүү тутумундагы коррупциялык схемаларды, анын ичинде мектепке чейинки балдар мекемелериндеги ата-энелердин төлөмдөрүнүн жогорулатылган фактыларын аныктоо максатында текшерүүнү жүргүзүшүүдө.

Текшерүүнүн жүрүшүндө Аламүдүн районунун Ленин айылдык округунун аймагында жайгашкан &ldquo;Достук&rdquo;, &ldquo;Бөбөкжай&rdquo; бала бакчаларында (мамлекеттик мектепке чейинки билим берүү уюмдары болуп саналат) мыйзам бузуулар аныкталган.&nbsp;

Бир нече эскертүүлөргө карабастан, акча каражаттарын чогултуу фактылары катталууда. Анын ичинде мектепке чейинки билим берүү уюмдарында.&nbsp; 
Текшерүү учурунда &ldquo;Достук&rdquo; бала бакчасынын жетекчиси маселени &nbsp;оң жагынан чечүү жана текшерүүнү токтотуу үчүн ИИМдин кызматкерине ири суммадагы акча каражатын сунуш кыла баштаган. 2023-жылдын 29-ноябрь күнү ИИМдин КИББдин имаратында 4-башкармалыктын ыкчам кызматкерине 120 000 сом өлчөмүндө пара берүү учурунда жогорудагы &nbsp; бала бакчанын жетекчиси А.О. &nbsp;кармалган.

Аталган факты боюнча кылмыш иши козголуп, ИИМдин Тергөө кызматы тарабынан тергелип жатат. Кызмат адамына пара берүүгө шектүү жаран кармалды. 
Мындай фактылар болгон учурда жарандар ИИМдин КИББдин 4-башкармалыгына кайрылуулары зарыл. Коррупциялык көрүнүштөрдүн ар кандай формалары менен күрөшүүдө көп нерсе коомчулуктун активдүү катышуусунан, жарандардын ар кандай коррупциялык кыянатчылыктарга активдүү каршы туруусунан көз каранды.&nbsp;

Ошондой эле, ички иштер органдарынын кызматкерлерине кылмыштын бул түрүн аныктоого жана бөгөт коюуга көмөк көрсөтүүгө даяр болушу керек. 
Учурда ИИМдин КИББдин 4-башкармалыгы мамлекеттик түзүмдөрдө коррупциялык укук бузууларды аныктоо, кызматтык кылмыштардын бетин ачуу боюнча активдүү иш алып барууда. Кыйла резонанстуу кылмыштар, коррупциялык багыттагы фактылар аныкталса, жалпыга маалымдоо каражаттарында чагылдырылып турат.

ИИМдин Басма сөз кызматы

Мамлекеттик бала бакчанын милиция кызматкерине пара берип кармалды

ИИМдин Кылмыш иликтөө башкы башкармалыгынын 4-башкармалыгынын ыкчам кызматкерлери Ысык-Көл облусунун Ак-Суу райондук ветеринардык башкармалыгында коррупциялык кыянаттык фактыларын аныкташты. &nbsp;Тергөө тапшырмасынын негизинде зарыл болгон тергөө-ыкчам иш-чараларды жүргүзүү үчүн Ысык-Көл облусуна ИИМдин Кылмыш иликтөө башкы башкармалыгынын 4-башкармалыгынын кызматкерлери жөнөтүлгөн. 
 
Текшерүүнүн жүрүшүндө Ак-Суу райондук ветеринардык башкармалыгынын жетекчилеринин бири аныкталган бузууларды жашыруу максатында андан ары текшерүүнү токтотуу үчүн ИИМдин кызматкерине ири өлчөмдө акча каражатын пара катары сунуштаган. 
 
Чогултулган материалдардын негизинде Кыргыз Республикасынын Кылмыш-жаза кодексинин 345-беренеси &ldquo;Пара берүү&rdquo; менен кылмыш иши козголгон.&nbsp; 
 
2023-жылдын 24-ноябрь күнү Ак-Суу райондук ветеринардык башкармалыгында жетекчилик кызматты ээлеген жаран Ш.А. ИИМдин Кылмыш иликтөө башкы башкармалыгынын 4-башкармалыгынын кызматкерине 320 000 сомду &nbsp; пара түрүндө берген учурунда кармалган. &nbsp; 
 
Азыркы учурда иликтөө иштери жүрүп жатат. Сот тарабынан камакка алуу түрүндөгү бөгөт чарасы тандалды. &nbsp;&nbsp; &nbsp; &nbsp;&nbsp; 
&nbsp; 
ИИМдин Басма сөз кызматы

Ак-Суу райондук ветеринардык башкармалыктын кызматкери пара берүүгө шектелүүдө

2023-жылдын 27-ноябрында Бириккен Улуттар Уюмунун Бардык эмгек мигранттарынын жана алардын үй-бүлө мүчөлөрүнүн укуктарын коргоо боюнча комитетинин 37-сессиясы ачылып, анда Кыргызстандын, Сан-Томенин жана Принсипинин жана Уругвайдын Бардык эмгек мигранттарынын жана алардын үй-бүлө мүчөлөрүнүн укуктарын коргоо жөнүндө эл аралык конвенциянын жоболорун ишке ашыруу жөнүндө баяндамалары каралат.&nbsp; 
 
Делегациянын курамына Кыргыз Республикасынын Ички иштер министринин орун басары милициянын генерал-майору Нурбек Абдиев, КР Эмгек, социалдык өнүгүү жана миграция министринин биринчи орун басары Нурдөөлөт Базарбаев, ошондой эле расмий делегациянын курамына &nbsp;Кыргыз Республикасынын Президентинин Администарциясынын өкүлдөрү, Кыргыз Республикасынын Тышкы иштер министрлигинин өкүлү жана Женева шаарындагы Бириккен Улуттар Уюмундагы жана эл аралык башка уюмдардагы Кыргыз Республикасынын туруктуу өкүлдөрү киргизилген.&nbsp; 
 
Кыргызстан бардык эмгек мигранттарынын жана алардын үй-бүлө мүчөлөрүнүн укуктарын коргоо боюнча эл аралык конвенцияга 29-жылдын 2003-сентябрында кошулган жана ушул жылдын 29-30-ноябрында комитетке өзүнүн экинчи мезгилдүү баяндамасын сунуштайт.&nbsp; 
 
Белгилей кетсек, БУУнун Бардык эмгек мигранттарынын жана алардын үй-бүлө мүчөлөрүнүн укуктарын коргоо боюнча комитети - бул 14 көз карандысыз эксперттен турган орган, ал катышуучу мамлекеттердин бардык эмгек мигранттарынын жана алардын үй-бүлө мүчөлөрүнүн укуктарын коргоо боюнча эл аралык конвенциянын аткарылышын көзөмөлдөйт.

ИИМдин Басма сөз кызматы

Нурбек Абдиев БУУнун Бардык эмгек мигранттарынын жана алардын үй-бүлө мүчөлөрүнүн укуктарын коргоо боюнча комитетинин 37-сессиясынын отурумуна катышты

Адамдар экономикалык, саясий же гуманитардык себептерден улам чек араны кесип өтүүнүн мыйзамсыз жолдорун издеши мүмкүн. Бул мигранттар үчүн алар жетүүгө аракет кылып жаткан өлкөлөр кооптуу жана юридикалык же каржылык жактан терс кесепеттерге алып келиши мүмкүн.&nbsp; 
 
Мыйзамсыз миграция дегенибиз - чек арадан тийиштүү документтерсиз же уруксатсыз өтүү менен башка өлкөгө мыйзамсыз кирүү болуп саналат.&nbsp; 
 
Ошондуктан, Ички иштер министрлиги жарандарды чет өлкөдө ишке орноштуруу маселелери боюнча Кыргыз Республикасынын Эмгек, социалдык камсыздоо жана миграция министрлигинин алдындагы жарандарды чет өлкөлөрдө ишке орноштуруу борборуна кайрылууга чакырат. Толук маалыматты migrant.kg сайтынан алсаңыздар болот. 
&nbsp; 
Чет өлкөдө жумуш сунуштаган башка адамдар алдамчы болушу ыктымал. Сак болгула!&nbsp;

ИИМдин Басма сөз кызматы

ИИМ жарандарга мыйзамсыз миграциянын кесепеттерин эскертет

Бул эскертме сизге арналган, анткени, Сиз балдар жана өспүрүмдөр арасындагы зомбулуктун жана жыныстык кол тийбестигине &nbsp;кол салууларды алдын алууга жардам бере турган балаңызга эң жакын адамсыз.

Эмне үчүн балдар кылмыштын курмандыгы болуп калышат? Анткени балдар ишенчээк жана бейкапар болушат! Ал эми кылмышкер каалаган баланын тилин таап &nbsp;алат.&nbsp;

Зордук-зомбулуктан качууга болот, бирок бул үчүн төмөнкүлөр керек:

-балага көчөдө же үйдө жалгыз калганда жүрүм-турум эрежелерин түшүндүрүү; 
-эгерде балага жанындагы адам &nbsp;кичине болсо да шек жаратса, же бир нерсе аны тынчсыздандырса, андан алыстап же токтоп, ал адамды алдыга өткөрүп жибергени &nbsp;оң; 
-балаңызга сиз өз тажрыйбасын бөлүшө тургандай дос болуу; 
&nbsp;-балаңыз айтып берген достору жана туугандары тарабынан ага карата жасалган зордук-зомбулук окуясына олуттуу мамиле кылуу; 
-балаңыздын достору жана алардын ата-энелери менен мамиле куруу; 
-балаңызды көчөгө жалгыз чыгарбаңыз (бала достору менен сейилдегенде кылмыш жасоо мүмкүнчүлүгү азаят); 
-сексуалдык жана зордук-зомбулук көрүнүштөрү бар тасмаларды көрүүнү жана балаңыздын интернет тармагы аркылуу педофил менен баарлашуу мүмкүнчүлүгүн болтурбоо үчүн балаңыз сыналгыдан кандай программаларды &nbsp;көрөрүн, интернеттеги кайсы сайттарга көп кирерин билиңиз; 
-балаңыздын интернетте өткөргөн убактысын сөзсүз көзөмөлгө алыңыз жана балаңыз интернетте ким менен байланышып жатканын билиңиз. 
-Коопсуздук эрежелерин сактоо менен балаңыз туш болгон коркунучтан сактанып, оор кырдаалда туура чечим кабыл алат. 
Урматтуу ата-энелер, сиз &ldquo;болбойт&rdquo; деген беш эрежени балдарыңыз сөзсүз билишиңиз керек: 
-көчөдө бейтааныш адамдар менен сүйлөшкөнгө жана аларды үйүңө &nbsp;киргизгенге болбойт; 
-алар менен подъездге же лифтке чогуу кирүүгө болбойт; 
-чоочун машинага түшкөнгө болбойт; 
-бейтааныш адамдардан белек албоо же алар менен үйүнө же башка жакка баруу сунушуна макул болбоо; 
-айрыкча караңгы киргенден кийин сыртта жалгыз калбаңыз.

Урматтуу жаран, эгерде сиз укук бузууга же кылмышка күбө болсоңуз, өтүп кетпеңиз, жардам бериңиз, милициянын 102 кызматына чалыңыз, &nbsp;111 балдардын ишеним телефону, сиздерге тез арада жардам көрсөтүлөт.

&nbsp;

ИИМдин Басма сөз кызматы

Балдарга карата кол тийбестиги  боюнча ата-энелер үчүн эскертме

Кыргыз Республикасынын ички иштер органдары жана билим берүү уюмдары ортосунда биргелешип, мектеп окуучулар арасындагы укук буузулардын, кылмыштардын келип чыгуусун алдын алууга, окуучулар арасында мекенди сүйүүгө, өсүп келе жаткан жаш муунду мыйзамдуу өлкөдө тарбиялоого үндөө максатында &laquo;Милициянын жаш достору&raquo; атындагы республикалык кароо-сынагы уюштурулуп өткөрүлдү.

Кароо-сынак 2023-жылдын 24-ноябрь күнү башталып, онлайн байланыш аркылуу Бишкек шаардык жана Чүй облустук ИИББнын, Ош шаардык жана облустук ИИБдин жыйындар залында өткөрүлүп жатат.

Жалпысынан кароо-сынакка республика аймагынан командалар катышып, өзүлөрү даярдаган программасын көрсөтүштү.

Кароо-сынактын максаты: - балдардын укуктук билимин өстүрүү, -билим берүү мекемелеринде укуктук милдеттерди сактоо, - балдар арасында өз ара укуктук тарбия иштерине көмөктөшүү, ИИОнун алдын алуу каттосунда жана жалпы билим берүү уюмдарынын ички каттосунда турган окуучуларды көзөмөлгө алуу жана туура багыт берүү, - жалпы билим берүү мекемелеринде уюштурулган ар кандай массалык иш-чараларга активдүү катышуу, - окуучуларды сапаттуу билим алууга, ден тарбиясын чыңдоого жана башкаларга үлгү болууга тарбиялоо, болуп эсептелет.

Кароо-сынак атайын түзүлгөн калыстардын жыйынтыгы менен биринчи орун Ош областынын командасы, экинчи орунду Бишкек шаарынын командасы, үчүнчү орунду Ысык-Көл областынын командасы алып Кыргыз Республикасынын Ички иштер жана Билим берүү жана илим министрликтеринин өкүлдөрү тарабынан сыйлуу белектер тапшырылды.&nbsp; &nbsp; &nbsp;

&nbsp;

&nbsp;ИИМдин басма сөз кызматы

ИИМ: Республикалык “Милициянын жаш достору” аттуу кароо сынагы өткөрүлдү

Кыргыз Республикасынын ИИМдин борбордук аппаратында&nbsp; ички иштер министринин орун басары Эркебек Аширходжаев өзү жетектеген&nbsp; кызматтарга 2023-жылдын 10 айындагы ыкчам-кызматтык ишмердүүлүгүнүн жыйынтыгы боюнча кеңешме өткөрдү.&nbsp;

Кеңешмеде ИИМдин Тергөө кызматынын, Криминалистика кызматынын жана Мамлекеттик коргоону уюштуруу башкармалыгынын 2023-жылдын 10 айындагы ыкчам-кызматтык ишмердүүлүгүнүн жыйынтыгы чыгарылды. Артыкчылыктуу багыттар белгиленип, ар бир багыттар боюнча жетишкендиктер менен бирге кемчиликтер&nbsp; айтылды.

Кеңешмеде аймактык тергөө кызматтары тергеп жаткан ар кандай категориядагы кылмыштарга тиешелүү маселелер каралды.

Кеңешмени ачып жатып,&nbsp; ИИМдин Тергөө кызматынын башчысы Альтаир Исмаилов тергөө бөлүмдөрүнүн ишмердүүлүгүнүн жыйынтыктары жөнүндө маалымат берип, кетирилген кемчиликтерге&nbsp; токтолду.

Ички иштер министринин орун басары Эркебек Аширходжаев өз сөзүндө биринчи кезекте&nbsp; тергөөнүн сапатынын төмөндөшүнө жол бербөө керектигин белгиледи. Ал ошондой эле оор жана өзгөчө оор кылмыштарды иликтөө боюнча иштин натыйжалуулугун жогорулатуу үчүн кошумча чараларды көрүү зарылдыгын тапшырды.

Ошондой эле, ИИМ башчысынын орун басары Эркебек Аширходжаев аймактык тергөө башкармалыктарынын жетекчилерине ачык сот адилеттигин камсыз кылуу жагынан толук, ар тараптуу жана калыс баа берүү максатында кылмыш иштерин жеке өзү изилдеп чыгуу зарылдыгын эскертти. Ошондой эле алар прокуратура тарабынан тергөөчүлөрдүн процесстик чечимдери жокко чыгарылып жаткан негиздерди такай талдоону жана жалпылоону, кол алдындагылардын баарына бул боюнча маалымдоону&nbsp; эскертти.&nbsp;

&ldquo;Санариптештирүү иш-чараларын ишке ашыруунун алкагында санарип тутумун бекемдөө, жарандардын арыз-даттанууларын калыс жана ар тараптуу тергөө, мыйзам чегинде чечим кабыл алууга арналган программаны өнүктүрүү иш-чаралары улантылсын. Эл аралык тажрыйбаларды эске алуу менен, заманбап санарип тутуму аркылуу көзөмөлдү күчөтүүгө, анын ичинде далил заттарды электрондук так эсепке алууга, тергөө сапатын жогорулатууга, кылмыш иштеринин, кылмыштын бетин ачуу жана сотко жөнөтүү процедураларын акыйкат жүргүзүүгө, элге келтирилген чыгымдардын ордун толтурууга багытталган, юридикалык жагдайларды өзүнө камтыган багыттардын алкагында учурда иштөөгө берилген автоматташтырылган маалымат издөө тутуму жүзөгө ашыруу уюштурулсун.

Тергөө кылмыш-жаза жараянынын өзөгү деп эсептелет. Анткени сот өндүрүшүнүн дал ушул этабында сот чечимдеринин негиздери түзүлөт. Иш боюнча далилдерди табуу, бекемдөө, чогултуу, баалоо жана колдонуу жүрөт. Мындай далилдөөнүн максаты-чындыкты аныктоо&rdquo;, - деди Эркебек Аширходжаев.

Өткөрүлгөн кеңешменин жыйынтыгы боюнча Эркебек Аширходжаев талкууланган маселелер боюнча Тергөө кызматына, Криминалистика кызматына жана Мамлекеттик коргоону уюштуруу башкармалыгына ишмердүүлүктү чыңдоо боюнча конкреттүү тапшырмаларды берди.

 
&nbsp;ИИМдин Басма сөз кызматы

ИИМ башчысынын орун басары Эркебек Аширходжаев өзү жетектеген кызматтардын башчылары менен кеңешме өткөрдү

Жумушчу иш сапардын алкагында ИИМдин делегациясы Вена шаарындагы Австриянын Федералдык полициясынын ишмердүүлүгү менен таанышты, ал австриялык кесиптештери менен тажрыйба алмашууга багытталган.&nbsp;

Кыргыз Республикасынын Австриядагы жана ЕККУдагы элчилигинин колдоосу менен өткөрүлгөн иш-чаралардын жүрүшүндө ведомстволор ортосундагы кызматташуунун мүмкүн болгон багыттары талкууланды.

Делегациянын курамына Кыргыз Республикасынын Ички иштер министри милициянын генерал-лейтенанты Улан Ниязбеков, КР ИИМдин КККнын башчысы милициянын полковниги Сталбек Рахманов, Эл аралык кызматташтык башкармалыгынын башчысы милициянын полковниги Нурбек Жангабылов, Милициянын көчмө кабылдамаларынын ишин колдоо боюнча ассоциациянын директору Шамшыбек Мамыров жана ЕККУнун Бишкектеги Программалык кеңсесинин полиция маселелери боюнча кеңешчиси Константин Бедарев болгон.

Иш сапар Кыргызстан менен Австриянын ортосундагы коопсуздукту биргелешип камсыз кылуу жана укук бузуулардын алдын алуу жаатында билим алмашууга жана алдыңкы тажрыйбаларды өткөрүп берүүгө, социалдык өнөктөштүктү бекемдөөгө, милициянын ишмердүүлүгүндө ачык-айкындуулукту жана жоопкерчиликти арттыруучу механизмдерди изилдөөгө багытталган.&nbsp;

Кыргыз тарап Австриянын Федералдык полициясынын ишмердүүлүгү жана иштөө ыкмалары менен таанышты.

Ошондой эле кызматкерлерди окутуу жана даярдоо, укук тартиби чөйрөсүндө заманбап технологияларды колдонуу жана коомдук коопсуздукту камсыздоого инновациялык ыкмаларды киргизүү маселелери талкууланды.&nbsp;

Иш сапар эл аралык кызматташтыкты тереңдетүүдөгү маанилүү кадам болуп, тажрыйба алмашуу өлкөлөргө заманбап коркунучтарга натыйжалуу каршы турууга жана жарандарды коргоонун туруктуу системасын түзүүгө мүмкүндүк берет.

 
ИИМдин Басма сөз кызматы

ИИМдин делегациясы Австриянын Федералдык полициясынын ишмердүүлүгү менен таанышты

КМШга катышкан мамлекеттердин компетенттүү органдарынын антитеррордук машыгууларын жогорку деңгээлде даярдагандыгы жана өткөргөндүгү үчүн Кыргыз Республикасынын Ички иштер министринин орун басары милициянын генерал &ndash; майору Октябрь Урмамбетов &quot;КМШга катышкан мамлекеттердин &quot;Евразия &ndash; антитеррор &ndash; 2023&quot; машыгуусундагы артыкчылыгы үчүн КМШга катышкан мамлекеттердин Антитеррордук борборунун медалы менен сыйланды.

Сыйлыкты КМШга мүчө мамлекеттердин Антитеррордук борборунун Борбордук Азия аймагы боюнча өкүлдөрү Андрей Гузеев менен Андрей Безик тапшырышты.

2023 &ndash; жылдын сентябрында Кыргызстанда КМШга катышкан мамлекеттердин Антитеррордук борборунун жана Шанхай кызматташтык уюмунун аймактык антитеррордук түзүмүнүн Аткаруу комитетинин колдоосунда КМШга катышкан мамлекеттердин жана ШКУга мүчө мамлекеттердин компетенттүү органдарынын &quot;Евразия &ndash; Антитеррор &ndash; 2023&quot; антитеррордук машыгууларынын жыйынтыктоочу этабы (күч фазасы) өткөрүлдү.

Машыгуулар биринчи жолу өзүнчө окуу маселелерин бир эле мезгилде бирдиктүү долбоордун алкагында, убакытын жана өткөрүү жерин бириктирүү менен эки эл аралык уюмдун өз ара аракеттенүүсүнүн алкагында өткөрүлдү.

Машыгууларга КМШга катышкан 11 мамлекеттин жана ШКУга мүчө мамлекеттердин &ndash; Армения Республикасынын, Беларусь Республикасынын, Индия Республикасынын, Иран Ислам Республикасынын, Казакстан Республикасынын, Кытай Эл Республикасынын, Кыргыз Республикасынын, Пакистан Ислам Республикасынын, Россия Федерациясынын, Тажикстан Республикасынын жана Өзбекстан Республикасынын компетенттүү органдары катышты.

ИИМдин башчысынын орун басары КМШ Антитеррордук борборунун медалы менен сыйланды

2023-жылдын 28-ноябрында Кыргыз Республикасынын ИИМдин борбордук аппаратында Кыргыз Республикасынын Ички иштер министринин орун басары милициянын генерал-майору Суюнбек Ниязбеков 2023-жылдын 10 айындагы ыкчам-кызматтык ишмердүүлүгүнүн жыйынтыгы боюнча көзөмөл кылган кызматтары менен кеңешме өткөрдү.

Кеңешмеде белгиленгендей, жарандардын коопсуздугун камсыздоо жана кылмыштуулукка каршы күрөшүү максатында Министрлик тарабынан Кыргыз Республикасынын Ички иштер органдарынын ишине санариптик технологияларды киргизүү боюнча активдүү иштер жүргүзүлүүдө.

Ошондой эле кылмыштуулуктун деңгээлин төмөндөтүү жана жарандардын коопсуздугун жогорулатуу үчүн республиканын аймагын видеобайкоо камералары менен камтуучу географиялык зоналарды кеңейтүү маселелери талкууланды.

Мындан тышкары, отчеттук мезгилде Кыргыз Республикасынын Ички иштер органдарынын бардык бөлүмдөрүндө электрондук документ жүгүртүү системасы киргизилген.

Калкка мамлекеттик кызматтарды көрсөтүүнүн жеткиликтүүлүгүн жана сапатын жогорулатуу боюнча иш-чараларды ишке ашырууга өзгөчө көңүл бурулууда. 
Бүгүнкү күндө бардык облустук борборлордо жана республикалык жана облустук маанидеги шаарларда &quot;Бирдиктүү терезе&quot; аркылуу Кыргыз Республикасынын Ички иштер органдарынын мамлекеттик кызмат көрсөтүү борборлору жана пункттары иштеп жатат.

Кеңешменин жүрүшүндө Ички иштер министринин орун басары Суюнбек Ниязбеков санариптик технологияларды өнүктүрүү боюнча иштерди активдештирүү, ошондой эле кызматтык ишмердүүлүктө мыйзамдуулукту так сактоо зарылдыгын белгиледи.

 
ИИМдин Басма-сөз кызматы

Ички иштер министринин орун басары Суюнбек Ниязбеков ыкчам-кызматтык ишмердүүлүк боюнча жетекчилик кылган кызматтар менен кеңешме өткөрдү

2023-жылдын 27-ноябрь күнү саат болжол менен 22:58 чамасында Кыргыз Республикасынын ИИМдин Күзөт кызматынын Ведомстволук милиция полку тарабынан куралдуу милиция аркылуу кайтаруусунда турган, Бишкек шаарынын Серов көчөсүнүн жайгашкан Пакистан өлкөсүнүн Элчилигин күзөтүп кызматта турган милициянын улук лейтенанты&nbsp; Руслан Коршунов Элчиликтин имаратынын айлана-тегерегине кайгуул жүргүзүү учурунда, түштүк тарабындагы&nbsp; шектүү эки адам ар кайсы жерге ар кандай нерселерди уюлдук телефондун жарыгы менен катып жатканын байкап, шек жаралып басып барганда, ал адам бирөөсү жерден кичине желим баштыкчага салынган жашыл-көк түстөгү белгисиз затты алганын көрүп, аны кармап, полктун нөөмөт-бөлүмүнө билдирген.

Нөөмөт бөлүмү тарабынан окуя болгон жерге кармоо тобу, шектүү эки адамды кармап, кармалган адамдардын өздүгүн тактаганда өздөрүнө таандык документ жок болгондугуна байланыштуу өз сөзүндө, 1997 жылы туулган А. уулу А., жана 1993 жылы туулган У.А.Н., болгон.

Шектүү катары кармалышкан адамдар Свердлов РИИБнын тергөө кызматына өткөрүлүп берилди.

&nbsp;

ИИМдин Басма сөз кызматы

ИИМ: Бишкекте баңгизат каткан шектүү эки жаран кармалды

Ушул жылдын 21-22-ноябрында ички иштер органдары тарабынан &ldquo;Ууру&rdquo; аталышындагы комплекстүү ыкчам-алдын алуу жана рейддик иш-чаралар&nbsp; өткөрүлдү.

Бул рейддик иш-чараларга кылмыш иликтөө бөлүктөрүнөн, коомдук коопсуздук кызматтарынан, жол кыймылынын коопсуздугун камсыздоо бөлүмдөрүнөн жана башка кызматтардан 2700дөн ашык кызматкерлер&nbsp; тартылган.&nbsp;

Ошондой эле,&nbsp; кылмыштарды аныктоо максатында калктуу пункттарга стационардык посттор коюлган. Бул мезгил аралыгында тартылган бөлүмдөр тарабынан 270тен ашык кылмыштын, анын ичинде мурда жасалган 170тен ашуун кылмыштын бети ачылган. Алардын&nbsp; ичинен 160тан ашыгы мүлктү уурдоо менен байланышкан кылмыштар болуп саналат. 770тен ашуун ар кандай объектилер, анын ичинде соода комплекстери, күрөөканалар, телефондорду жана зер буюмдарды сатып алуу жана сатуу жерлери текшерилген.

Ошондой эле 21-ноябрда &ldquo;Ууру&rdquo; ыкчам-алдын алуу иш-чараларынын жүрүшүндө Ош ОИИБнин&nbsp; Кылмыш иликтөө бөлүмүнүн кызматкерлери тарабынан мурда соттолгон жарандардан турган мал уурулук менен алектенишкен кылмыштуу топ кармалган. Алар Кара-Суу районунун Жаңы-Арык айыл&nbsp; аймагында жасалган 13 бодо малдын уурдалышына тиешеси бар. Кылмышкерлер Баткен облусунун Кадамжай районунун аймагына жүк ташуучу унаа менен уурдалган малды алып кетишкен. Уурдалган малдарды сатып алуучу дагы кармалган. Аныкталган маалыматтар боюнча бул кылмыштуу топтун мүчөлөрү бир нече баш бодо малды &ldquo;Opel Astra&rdquo; үлгүсүндөгү унаага алмаштырышкан. Андан кийин ушул эле унаа менен 2 баш малды уурдашкан. Жаңы-Арык айыл аймагынын тургунуна таандык уурдалган малды Ноокат районунун аймагынан алып чыгып сатышкан.

22-ноябрда кылмыштуу топтун 4 мүчөсү,&nbsp; анын ичинде мал сатып алуучуда убактылуу кармоочу жайга киргизилген. Соттун чечими менен баш коргоо чарасы камакка алуу түрү&nbsp; тандалды. Жүргүзүлгөн ыкчам-издөө иш-чараларынын жыйынтыгы менен&nbsp; алардын Кара-Суу районунун аймагында мал уурдоо боюнча&nbsp; 5 фактыга тиешеси бар экендиги аныкталган. Алардын башка ушул сыяктуу кылмыштарга тиешеси текшерилип жатат.&nbsp;

Андан сырткары, Майлуу-Суу ШИИБге&nbsp; жергиликтүү тургун арыз менен кайрылган. Анда&nbsp; Майлуу-Суу шаарында жайгашкан дүкөнүнө белгисиз адамдар киришип, алтын зер&nbsp; буюмдарын, 134 уюлдук телефонду уурдап, дүкөндү күйгүзүп кетишкендигин билдирип, уурдап кеткен адамдарды таап, мыйзам чегинде чара көрүп берүүнү суранган. Натыйжада жабырлануучуга 1 912 400 сомдук зыян келтирилген. 
Бул факты боюнча Кыргыз Республикасынын Кылмыш-жаза кодексинин&nbsp; 205-беренеси (Уурдоо) менен кылмыш иши козголгон.

Жогорудагы кылмыштын бетин ачуу жана шектүүлөрдү аныктоо максатында ыкчам кызматкерлер тарабынан Майлуу-Суу шаарынын аймагында коңшу мамлекеттин жараны К.Ш. кармалган. Ошондой эле,&nbsp; уурулукту чогу жасаган жердеши аныкталып, жүргүзүлгөн ыкчам-иликтөө иш-чаралардын натыйжасында&nbsp; &nbsp; уурдалган уюлдук телефондор жана алтын зер буюмдар менен чек арадан өтүп кетүүгө аракет кылып жүргөн жеринен С.С. кармалган.&nbsp; Кылмышка шектүүлөр Майлуу-Суу ШИИБдин убактылуу кармоочу жайга киргизилген.&nbsp;&nbsp;

&ldquo;Ууру&rdquo; аталыштагы бул ыкчам иш-чаралар кылмыш фактыларын аныктоодон тышкары, алдын алуучу жана эскертүү мүнөзгө ээ жана укук бузууну жасоого өбөлгө түзүүчү себептерди жана шарттарды жоюуга багытталган.

ИИМдин Басма сөз кызматы

ИИМ: “Ууру”  рейдинин жүрүшүндө бир нече кылмыштын бети ачылды

2023-жылдын 28-ноябрь күнү Кыргыз Республикасынын Ички иштер министринин биринчи орун басары милициянын генерал-майору Адылбек Бийбосунов жана Корея Республикасынын Кыргыз Республикасындагы Атайын жана Ыйгарым Укуктуу Элчиси Ли Вонджэ мырза Кыргыз Республикасынын министрлиги менен Корея Республикасынын Кыргыз Республикасындагы Элчилигинин ортосунда министрликке жалпы суммасы 170 000 АКШ долларын түзгөн электромобилдерди акысыз берүү жөнүндө өз ара түшүнүшүү жөнүндө Меморандумга кол коюшту.&nbsp;&nbsp;

Жолугушууга Кыргыз Республикасындагы КОЙКАнын Өкүлчүлүгүнүн башчысы Ли Жонсу, Вице-консул Бан Ки Дон жана Бишкек шаардык ички иштер башкы башкармалыгынын, Кыргыз Республикасынын ИИМдин Финансы-чарбалык камсыздоо башкы башкармалыгынын жана Эл аралык кызматташтык башкармалыгынын жетекчилери катышышты.&nbsp;

Адылбек Бийбосунов министрлик коопсуздук жаатында эл аралык өнөктөштөр менен кызматташууну активдүү өнүктүрүп, бекемдеп жатканын белгиледи. Үстүбүздөгү жылдын октябрь айында Кыргыз Республикасынын ИИМ менен Корея Республикасынын Улуттук полиция агенттигинин ортосунда өз ара түшүнүшүү жана өз ара аракеттенүү жөнүндө Меморандумга кол коюлган. Буга Корея Республикасынын Кыргыз Республикасындагы Элчилиги түздөн-түз жана маанилүү көмөк көрсөткөндүгүн белгиледи.

Сөзүнүн аягында министрдин биринчи орун басары Корея Республикасынын Элчилигине Кыргызстандын ички иштер органдарынын материалдык-техникалык базасын чыңдоого жана коомдук коопсуздукту камсыздоого кошкон олуттуу салымы үчүн ыраазычылык билдирди.&nbsp;&nbsp;

Өз кезегинде Ли Вонджэ мырза Кыргыз Республикасынын ИИМ менен өз ара кызматташтыкты мындан ары да кеңейтүүгө даярдыгын билдирди.

 
ИИМдин Басма сөз кызматы

Ички иштер министрлиги жана Корея Республикасынын Элчилиги өз ара түшүнүшүү жөнүндө меморандумга кол коюшту

2023-жылы 28-ноябрында Интерполдун чакыруусу менен Кыргыз Республикасынын ички иштер министри Улан Ниязбеков жетектеген делегациясы Башкы Ассамблеянын 91-сессиясына жана уюмдун 100 жылдык мааракесине катышты.

Венадагы Интерполдун Башкы Ассамблеясынын 91-сессиясы 1-декабрга чейин уланып, а уюмга мүчө 190дон ашык өлкөнүн укук коргоо органдарынын жетекчилерин чогултат.&nbsp;

Ассамблеянын сессиясы 1923-жылы Венада негизделген уюмдун 100-жылдык түзүлгөндүгүнүн арналган.

28-ноябрдан 1-декабрга чейин өтө турган төрт күндүк конференцияда дүйнө жүзүндөгү полиция башчылары учурдагы жана пайда болгон коркунучтарды, анын ичинде трансулуттук уюшкан кылмыштуулуктун олуттуу өсүшүн талкуулашат.

Белгилей кетсек, КР ИИМдин түзүмүндө Интерполдун Улуттук борбордук бюросу (УБК) 1997-жылдын 18-июлунда түзүлгөн. 
Интерпол эл аралык кылмыштуулукка каршы күрөшүүдө биздин өлкөнүн укук коргоо органдарынын башка мамлекеттерден келген чет өлкөлүк кесиптештери менен маалымат алмашууну камсыз кылат.

Интерпол кылмышкерлерди издөөдөн тышкары, дайынсыз жоголгон адамдардын, уурдалган унаалардын, маданий мурастарга каршы кылмыштардын, каржылык жана кибер кылмыштардын ордун аныктоо менен алектенет.&nbsp;&nbsp;

 
ИИМдин Басма сөз кызматы

Ички иштер министри Улан Ниязбеков Интерполдун Башкы Ассамблеясынын 91-сессиясына катышты

Ысык-Көл ОИИБдин туристтик-экологиялык милиция кызматкерлери уруктарды чачуу мезгилинде мыйзамсыз балык уулоо менен алектенген кезектеги браконьерлерди кармашты. &nbsp;

Мыйзамсыз балык уулоону Пристань-Пржевальск шаарчасынын 48 жаштагы А.Р. жана 35 жаштагы Г.И. аттуу тургундары жүргүзүп, торлорун өздөрү жашаган калктуу конуштун көл жээгине коюшкан. Алардан далил зат катары 3 даана синтетикалык балык тору, 9 даана кармалган &quot;Леш&quot; балыгы жана моторлуу кайык алынган.

Ошондой эле, Ысык-Көлдүн Николаевский булуңунда мыйзамсыз балык уулап, үйүнө бара жаткан жеринен Түп районунун Тогуз-Булак айылынын 42 жаштагы тургуну А.А. кармалган. Андан 49 даана &quot;Сиг-Лудога&quot; балыгы алынган.

Эки факт тең аймактык ИИОнун маалыматтарды каттоо электрондук журналдарына катталып, чогултулган материалдар юридикалык баа берүү үчүн тергөө кызматтарына өткөрүлүп берилди.

Ысык-Көл ОИИБдин басма сөз кызматы&nbsp;

&nbsp;

Ысык-Көлдө кезектеги браконьерлер кармалды

Спорт &ndash; бул адамдын ден &ndash; соолуктун булагы, сергек жашоону, денени чымыр алып жүрүүгө тарбиялайт. Спорттун чоюн көтөрүү түрүнөн сырткары спорттун бир нече түрү менен машыгып байгелүү орундарды камсыз кылып жүргөн милиция кызматкерлери дагы аз эмес.&nbsp;

2023-жылдын 25-ноябрь күнү Бишкек шаарында Кыргыз Республикасынын чемпионаты чоюн көтөрүү спорттук мелдеш боюнча&nbsp;&nbsp;өткөрүлдү.&nbsp;

Аталган мелдешке жети дубандан келген мушкерлер менен ат салышып, өзүнүн чеберчилиги менен байгелүү орундарга Нарын облусунун кызматкери дагы татыды. Ал, Нарын облусунун атайын операция отрядынын кенже&nbsp;&nbsp;ыкчам өкүл жоокери милициянын&nbsp;&nbsp;прапорщиги Манас Садырбек уулу 73 кг II-орунду камсыз кылды.&nbsp;

Байгелүү орундарды камсыз кылып жүрүшкөн биздин милиция кызматкерине ишине ийгилик, билегине күч, ден-соолук жана байгелүү орундарды камсыз кылып жүрө беришине тилектешбиз!&nbsp;

Нарын ОИИБдин Басма сөз кызматы

Нарын ОИИБдин кызматкери Кыргыз Республикамынын Чемпионатында «Чоюн көтөрүү” спорттук мелдешинде байгелүү орунга ээ болду

Социалдык тармактарда Ош облустук ички иштер башкармалыгынын жетекчилиги өз ара келишпестиктен мушташып жатат деген мааламат &nbsp;тараган. Бул кызуу талкууга алынып жаткан окуя 2023-жылдын &nbsp; 24-ноябрь күнү&nbsp;Ош шаарындагы көп кабаттуу үйдүн алдында &nbsp;болгондугу такталып, &nbsp;Кыргыз Республикасынын ИИМдин ИИКнын Ош шаары жана Ош облусу боюнча ИИБү тарабынан аталган окуя боюнча материалдар Ош ШИИБнын &nbsp;мааламаттардын электрондук журналына катталып, тергөөгө чейинки текшерүү жүргүзүлүүдө. 
 
Бул факты боюнча окуя болгон жерге тергөө ыкчам тобу жана ички иликтөө кызматкерлери менен биргеликте чыгып, окуя болгон жерге кароо жүргүзүлүп, далил зат катарында канга окшогон кызыл түстөгү тактардын үлгүлөрү алынган. Андан сырткары, аталган көп кабаттуу үйдө &nbsp;орнотулган &nbsp;видеокамералардан &nbsp;видеодалилдер алынган.&nbsp; 
 
Ош ОИИБнын окуяга тиешеси бар жетекчилик курамдагы кызматкерлерине карата соттук-медициналык экспертиза жана башка тиешелүү соттук экспертизалар дайындалып, аларды жана башка кошумча күбө адамдарды тактап, аларды суракка алуу үчүн Тергөө кызматына камсыз кылуу боюнча тиешелүү кызматтарга атайын тапшырмалар жиберилди.&nbsp; 
 
Кыргыз Республикасынын ИИМдин Ички иликтөө кызматытынын кызматтык иликтөөсүнүн жыйынтыгы менен Кыргыз Республикасынын укук коргоо органдарынын Тартиптик уставынын айрым пункттарынын талаптарын одоно түрдө бузгандыгы, башкача айтканда кол алдында кызмат өтөгөн кызматкерлерге мыйзамдуулукту жана кызматтык тартипти так сактоо боюнча жетиштүү деңгээлде тарбия иштеринин жана көзөмөл жүргүзбөгөндүгүнүн натыйжасында Ош ОИИБдин жетекчи курамынын кызматкерлери пикир келишпестик менен өз ара мушташкан жоруктары &nbsp;коомчулукта талкууга алынып, ИИО кызматкерлеринин аброюна шек келтирилгендиги үчүн Ош ОИИБнын башчысы милициянын полковниги Жеңиш Жоробековго &ldquo;кызматка толук эмес ылайыктыгы жөнүндө&rdquo; эскертүү тартип жазасы берилди. 
 
Ал эми окуяга түздөн-түз тиешеси бар Ош ОИИБнын башчысынын ыкчам иштери боюнча орун басары милициянын полковниги Алмаз Усеналиев жана Ош ОИИБнын коомдук коопсуздук боюнча орун басары милициянын полковниги Салмоорбек Шералиев, Ош ОИИБдин башчысынын кадр иштери боюнча орун басары милициянын полковниги Улан Асанбаев &nbsp;ээлеген кызматынан бошотулду. 
 
Бул окуя боюнча топтолгон материал тийиштүү органдарга жиберилип, юридикалык баа берилет. 
 
Кызматкерлердин бул жүрүм-туруму кызматтык милдеттерин ак ниеттүүлүк менен аткаруу принциптерин бузган. Ички иштер министрлиги өздүк курамдын адеп-ахлаксыз жүрүм-турумуна эч кандай сабырдуулук менен мамиле кылбайт. 
 
Бул &nbsp;ведомствонун ишиндеги артыкчылыктуу багыттардын бири экенин баса белгилейт. Милиция кызматкерлеринин ушул сыяктуу жүрүм-турумуна мыйзам чегинде эң олуттуу жана катаал мамиле кылынат. 
&nbsp;

ИИМдин Басма сөз &nbsp;кызматы

ИИМ: Кызматтык иликтөөнүн жыйынтыгы менен Ош ОИИБдин башчысынын орун басарлары ээлеген кызматтарынан бошотулушту

Айтбаев Таштемир Сыдыгалиевич 1943-жылы 27-ноябрда Кыргыз ССРинин Тянь-Шань (азыркы Нарын) облусуна караштуу Ак-Талаа районундагы Тоголок Молдо айылында партиялык кызматкердин үй-бүлөсүндө туулган. 
Балалыгы жана жаштыгы Нарында өткөн. Нарын шаарындагы атактуу В.Чкалов атындагы мектепти, андан соң 1967-жылы Москвадагы Бауман атындагы абройлуу жогорку техникалык окуу жайын бүтүргөн. 1969-жылы Фрунзе (азыркы Бишкек) шаардык комсомолунун Свердлов райондук комитетинин экинчи катчысы, андан кийин Фрунзе (азыркы Бишкек) комсомолунун Биринчи Май райондук комитетинин биринчи катчысы болуп шайланган. 1971-1973-жылдары Фрунзе шаардык комитет комсомолунун экинчи катчысы болуп иштеген. 1978-жылдын сентябрь айында Кыргыз ССР Борбордук Комитетинин Лениндик Коммунисттик Жаштар Союзунун биринчи катчысы болуп шайланган.&nbsp;

 
Таштемир Сыдыгалиевич 80-жылдары мамлекеттик коопсуздук органында, 1995-жылдан тартып укук коргоо органдарында, тактап айтканда: Ички иштер министринин орун басары, 1999-жылдан Улуттук коопсуздук министри, 2000-жылдын 30-декабрынан тартып - Ички иштер министри болуп иштеген. Кыргыз Республикасы. 2002-жылдын июлунан тартып &ndash; Кыргыз Республикасынын Юстиция министринин орун басары, Жазаларды аткаруу башкы башкармалыгынын начальниги. 2005-жылдын 30-мартынан 2006-жылдын 10-майына чейин - Кыргыз Республикасынын Улуттук коопсуздук кызматынын төрагасы.

Бул мезгилде эгемен Кыргызстандын ички иштер жана улуттук коопсуздук органдарына стратегиялык мамлекеттик милдеттер &ndash; коомдук тартипти коргоо жана өлкөдөгү ички саясий кырдаалдын туруктуулугун камсыз кылуу жүктөлгөн.

Өлкөнүн көрүнүктүү мамлекеттик жана коомдук ишмери Таштемир Айтбаев үч жолу Кыргыз ССР Жогорку Кеңешинин депутаты болуп шайланган. Мамлекетке сиңирген зор эмгеги үчүн &ldquo;Ардак Белгиси&rdquo; ордени, &ldquo;Даңк&rdquo; медалдары менен сыйланган, ошондой эле көптөгөн ведомстволук сыйлыктарга жана ардак грамоталарга ээ болгон. Учурда коомдук иштерге активдүү катышууда.&nbsp;

Таштемир Сыдыгалиевичти Кыргыз Республикасынын ИИМ жетекчилигинин,&nbsp;коллегиясынын, ИИМдин Генералдар кеңешинин мүчөлөрүнүн атынан мааракеси менен чын жүрөктөн куттуктайбыз. Сиздерге тынчтык, узун өмүр, ден соолук, бакубатчылык жана жан дүйнө тынчтыгын каалайбыз.

ИИМдин Басма сөз кызматы

Кыргызстандын көрүнүктүү мамлекеттик жана коомдук ишмери 80 жылдык мааракесин белгилеп жатат

2023-жылдын 27-ноябрында Вена шаарында Кыргызстандын Австрия Республикасындагы Элчиси Толенда Макеевдин колдоосу жана катышуусу менен Кыргыз Республикасынын Ички иштер министри Улан Ниязбеков ЕККУга караштуу мүчө мамлекеттердин туруктуу өкүлдөрү менен жолугушуусу болуп өттү.

Аталган жолугушууга ЕККУга мүчө мамлекеттердин туруктуу өкүлдөрү Австриянын туруктуу өкүлү Флориан Рауниг мырза, Германиянын туруктуу өкүлү Сюзанна Шутц айым, Финляндиянын туруктуу өкүлү Веса Хаккинен мырза, АКШнын дипломатиялык миссиясынын башчысынын орун басары Кэтрин Брукер айым, ошондой эле ЕККУ Катчылыгынын өкүлдөрү - ЕККУ Катчылыгынын трансулуттук коркунучтарга каршы туруу боюнча ишмердүүлүгүнүн координатору Елена Купчина айым, ЕККУ Катчылыгынын полициянын ишмердүүлүгүнүн стратегиялык маселелери бөлүмүнүн жетекчиси Сами Рюхенен мырза, ЕККУнун Бишкектеги Программалык кеңсесинин полиция маселелери боюнча кеңешчиси Константин Бедарев мырза катышышты.

Жолугушуунун жүрүшүндө Кыргыз Республикасынын ИИМдин делегациясы ДНК лабораториясын түзүү жолу менен Кыргыз Республикасынын ИИМдин эксперттик жөндөмдүүлүгүн санариптештирүүгө, өнүктүрүүгө жана модернизациялоого, экстремизмге жана диний радикалдашууга каршы аракеттенүү боюнча жөндөмдүүлүгүн чыңдоого, ошондой эле кыргыз милициянын көчмө кабылдамаларынын жогорку кесипкөйлүктө тейлөөгө багытталган тутумун андан ары өнүктүрүүгө багытталган бюджеттен тышкаркы долбоорлорду сунуштады.&nbsp; 
ИИМдин башчысы Улан Ниязбеков ЕККУ Катчылыгынын кызматкерлери тарабынан Кыргыз Республикасынын ички иштер органдарында жүргүзүлүп жаткан реформалардын ишмердигин баалоо боюнча жүргүзгөн иштери жана Министрликтин ишмердигинин негизги багыттарын андан ары өнүктүрүү боюнча берилген сунуштары үчүн ыраазычылык билдирип, бүгүнкү күндө милицияны демократиялык коомдун талаптарына жооп берген заманбап мекемеге айландыруу узак мөөнөттүү демилге болуп санааларын белгилеп, ошол себептен динамикалуу өнүгүүнү камсыз кылуу үчүн ЕККУ тарабынан кошумча колдоо көрсөтүү зарылдыгы келип чыгуусуна токтолду.&nbsp;

Сөзүнүн аягында ИИМдин башчысы ЕККУга мүчө мамлекеттердин туруктуу өкүлдөрүнө жана ЕККУ Катчылыгына Кыргыз Республикасынын ички иштер органдарында жүргүзүлүп жаткан реформалардын ишмердүүлүгүн баалоо боюнча жүргүзгөн иштери үчүн ыраазычылык билдирип, сунушталган демилгелер оң нукта каралат деген ишенимин айтты.&nbsp; 
Өз кезегинде, ЕККУга мүчө мамлекеттердин туруктуу өкүлдөрү сунушталган долбоорлорду карап чыгууга даяр экендиктерин билдиришип, аларды ишке ашырууда мындан аркы өз ара аракеттенүүнү бекемдөө натыйжалуулугун жогору баалашты.

ИИМдин Басма сөз кызматы

Вена шаарында ИИМдин башчысы Улан Ниязбеков ЕККУга мүчө мамлекеттердин туруктуу өкүлдөрү менен жолугушту

Батир уурулугу &nbsp;негизинен үйдү кароосуз калтырган &nbsp;учурда &nbsp;катталат. &nbsp;Уурулардын бардыгы бирдей ыкмаларды колдонушат: кулпуларды &nbsp;бузуу, ачкычтарды жасоо, алдыңкы эшикти бузуп кирүү, терезелерди ачуу. &nbsp;Кыргызстандын Ички иштер министрлигинин кылмыш иликтөө башкы башкармалыгы &nbsp;батир уурулугун алдын алуу үчүн жарандарга бир катар пайдалуу кеңештерди сунуштайт. 
 
-&nbsp;&nbsp; &nbsp;үйдөн кетердин алдында бардык терезелерди, эшиктерди, желдеткичтерди бекем жабыңыз; 
-&nbsp;&nbsp; &nbsp;видеокөзөмөл орнотуңуз; 
-&nbsp;&nbsp; &nbsp;муляж орнотуу мүмкүн-кылмышкер камеранын туташкандыгын текшербейт; 
-&nbsp;&nbsp; &nbsp;эгерде сиздин батир биринчи же акыркы кабатта, өрт тепкичтеринин жана суу - түтүктөрүнүн жанында болсо, анда терезеге торлорду орнотуңуз; 
-&nbsp;&nbsp; &nbsp;балдарыңызга бейтааныш адамдарга эшикти ачпоого үйрөтүңүз; 
-&nbsp;&nbsp; &nbsp;сырттан келгендерди турак жайга киргизбеңиз. Эгерде адам өзүн коммуналдык кызматкер катары тааныштырса, анын өздүгүн текшериңиз, документтерди сураңыз, уюмга чалыңыз; 
-&nbsp;&nbsp; &nbsp;кире бериштин жана батирдин кире бериш эшиктери бекем жабылышы керек; 
-&nbsp;&nbsp; &nbsp;бышык эшиктерди орнотуңуз. Эшик сыртка ачылып, темир менен жабдылышы керек, кулпулар, жок эле дегенде, эки жана ар кандай түрлүү болушу керек; 
-&nbsp;&nbsp; &nbsp;кире бериште толук жарык болушу керек; 
-&nbsp;&nbsp; &nbsp;жакшы мамиледе болгон кошуналардан батирдин эшигинин бүтүндүгүнө көңүл бурууну, керек болсо чала турган байланыш телефондорун калтырууну сурануу керек; 
-&nbsp;&nbsp; &nbsp;мүмкүн болсо, узак убакытка кеткенде батириңиздеги эң баалуу буюмдарды үйдө сактабаңыз; 
-&nbsp;&nbsp; &nbsp;Батирдин ачкычтарын килемдин астына, электр тогуна же башка шарттуу жерлерге, айрыкча эшиктин жанына калтырбаңыз. 
 
Эгерде уурулар сиздин үйдөн мүлктөрүңүздү, баалуу буюмдарыңызды же акча каражаттарыңызды уурдап кеткен болсо: 
-&nbsp;&nbsp; &nbsp; дароо милицияга 102 номерине чалыңыз; 
-&nbsp;&nbsp; &nbsp;үйүңүздү текшерип, эмне жоголгонун аныктап, уурдалган буюмдардын тизмесин түзүңүз; 
-&nbsp;&nbsp; &nbsp;эгер сиз үйүңүздө кылмышкерге туш болуп калсаңыз, жакындарыңыздын коопсуздугун ойлоп жана өзүңүздүн өмүрүңүздү сактап калуу амалы менен уурулар менен урушпаңыз; 
-&nbsp;&nbsp; &nbsp;кол салган адамга көңүл буруп, анын жүзүн эстеп калууга аракет кылыңыз. Бул аны кармоо иштерин тездетүүгө жана бардык буюмдарыңызды кайтарып алууга жардам берет. 
 
Мүлкүңүздүн сакталышынын негизги кепилдиктеринин бири-бул сак жана этият болгонуңуз. Албетте, бардык бул чаралар жардам берет, бирок, уурулуктун алдын алуу үчүн негизги ыкмасы Ички иштер министрлигинин Күзөт кызматына же жеке кызматтардын кайтаруу кызматтарынын кызматтарын колдонуу керек. Коопсуздукка канчалык көп көңүл бурсаңыз, ошончолук коопсуз болот. Турак жайыңыздын, ишкана-кеңсениздин коопсуздугуна көңүл буруңуз, уурулуктардын бетин ачууда милицияга дайыма жардам бериңиз. Эгерде сизде уурулукка байланыштуу кылмыштар боюнча кандайдыр-бир маалымат болсо, райондук милиция бөлүмүнүн нөөмөт бөлүмүнө же 102 номуруна чалыңыз. 
&nbsp;

ИИМдин Басма сөз кызматы

Батир уурулугун кантип алдын алса болот? ИИМ жарандарга бир катар пайдалуу кеңештерди сунуштайт

2023-жылдын 27-ноябрында &nbsp;Ички иштер министрлигинин борбордук аппаратында Ички иштер министринин биринчи орун басары Адылбек Бийбосунов кызматтардын 10 ай ичинде аткарган иштеринин жыйынтыгы боюнча кеңешме өткөрдү. &nbsp;Иш-чарага ИИМдин Кадрлар башкы башкармалыгынын, &nbsp;Академиянын, Республикалык окуу борборунун, Медициналык башкармалыктын, &nbsp;ФЧКББнын, Ички иликтөө кызматынын, Укуктук камсыздоо башкармалыгынын жана Эл аралык кызматташтык башкармалыгынын башчылары, &nbsp;алардын орун басарлары, бөлүм башчылары катышты. 
 
Министрдин биринчи орун басары Адылбек Бийбосунов өзү жетектеген кызматтардын жетишкендиктерине токтолуп, кемчиликтерин дагы талдап, чогулгандар менен биргеликте башка дагы &nbsp;орчундуу маселелерди талкуулады.

Жыйында сөз сүйлөгөн &nbsp;ИИМ башчысынын биринчи орун басары Адылбек Бийбосунов ички иштер министрлигинин ишиндеги артыкчылыктуу багыттардын катарына кадрдык потенциалды чыңдоо жана катарды тазалоо үчүн күрөштү кошту. 
&laquo;Ошондой эле биринчи планда өздүк курамдын арасында тартипти жана мыйзамдуулукту чыңдоо милдети турат. Катарды таза эмес кызматкерлерден тазалоо үчүн күрөш биз үчүн принципиалдуу мааниге ээ&raquo;, - деди министрдин биринчи орун басары. 
&laquo;Биз квалификацияны жана билимди өркүндөтүшүбүз керек. Коррупцияны жасабашыбыз керек, жада калса бул жөнүндө ойлонбошубуз керек. Коррупцияга барган кызматкердин жазасы катуу болуш керек. Муну эч качан унутпаңыздар!&rdquo;, - деп белгиледи Адылбек Бийбосунов. 
 
Жыйындын соңунда Адылбек Бийбосунов кесиптештерине кесипкөй кадрларды даярдоону күчөтүүнү, кызматкерлер тарабынан мыйзам бузууларды жоюну, элге мүмкүн болушунча ачык мамиле кылууну тапшырды. 
&nbsp;

ИИМдин &nbsp;Басма сөз кызматы

ИИМ: Адылбек Бийбосунов кадрдык потенциалды чыңдоону тапшырды

ИИМдин Кылмыш иликтөө башкы башкармалыгын Үчүнчү башкармалыгынын Ош, Жалал-Абад жана Баткен облустары боюнча Уюшкан кылмыштуулукка каршы күрөшүү бөлүмүнүн кызматкерлери тарабынан, жеке фирманын өкүлдөрүн коркутуп, ири өлчөмдө акча талап кылып жүргөн жаран кармалды. 
Үстүбүздөгү жылдын 23-ноябрында ички иштер органдарына жеке фирманын өкүлү кайрылып, айрым адамдар тарабынан коркутуп-үркүтүү жана опузалоо фактылары болуп жатканын билдирген.&nbsp; 
Кайрылууда, узак убакыттан бери аларга өзүн коррупцияга каршы элдик көзөмөл коомунун мүчөсүмүн деп тааныштырган адам келип, жергиликтүү жаштарды алып келип, толук кандуу иш алып баруусуна жол бердирбей койом деп, коркутуп-үркүтүү жолу менен акча каражаттарын алып турган жана болжол менен алты айдын ичинде опуза талап кылып 680 миң сом өлчөмүндө акча каражатын алгандыгын, опузалоо дагы деле уланып жатканын билдирген. 
Бул факты боюнча топтолгон материалдардын негизинде, Ош облусунун Кара-Суу райондук Ички иштер бөлүмү тарабынан Кыргыз Республикасынын Кылмыш-жаза кодексинин 208-беренеси (опузалап талап кылуу) &nbsp;менен кылмыш иши козголгон. 
Аталган кылмыш иштин алкагында ыкчам тергөө иш-чаралары жүргүзүлүп, ИИМдин Кылмыш иликтөө башкы башкармалыгынын Үчүнчү башкармалыгынын Ош, Жалал-Абад жана Баткен облустары боюнча Уюшкан кылмыштуулукка каршы күрөшүү бөлүмүнүн кызматкерлери тарабынан, кылмышка шектүү катары Алай районунун тургуну 1964-жылы туулган М.Ч. кармалган. Кармалган жаран Кара-Суу райондук милиция бөлүмүнө жеткирилип, убактылуу кармоочу жайга киргизилген.&nbsp; 
Учурда тергөө амалдары жүргүзүлүүдө.

ИИМдин Басма сөз кызматы

ИИМ КИББ: жеке компаниянын өкүлдөрүнөн акча талап кылган жаран кармалды

ИИМдин Кылмыш иликтөө башкы башкармалыгынын кызматкерлери ири өлчөмдөгү алдамчылыкка шектелген жаранды кармашты. Ал тараптан жарандарга келтирилген зыяндын өлчөмү болжол менен 500 000 АКШ долларын түзөт.&nbsp;

Ички иштер органдары тарабынан батирлерди жана жер тилкелерин сатууга байланышкан алдамчылык фактысы боюнча көптөгөн кылмыш иштери иликтенүүдө.

Жабырлануучулардын арыздары боюнча Бишкек шаарынын Ленин райондук ИИБде (алдамчылык аракеттердин 40дан ашык фактысы), Бишкек шаарынын Октябрь райондук ИИБде (алдамчылык аракеттердин 10дон ашык фактысы) катталган. Ошондой эле Бишкек шаарынын башка ички иштер&nbsp; башкармалыктарында&nbsp; арыздар бар. Бул кылмыштардын баарында шектүү катары жаран 1985-жылы туулган К.М.&nbsp; өтүп жатат.&nbsp;

Жаран К.М. жарандардын ишенимине оңой кирип, кыймылсыз мүлк сатып алууда кызматтарды сунуштап, потенциалдуу кардарларды өзүнө тартып турган. Мында ал жеке турак үйлөрдү куруу үчүн берилүүгө тийиш эмес болгон жер тилкелерин башка адамдарга сатууга жетишкен. 
Бишкек шаарынын Ленин райондук ички иштер башкармалыгында алдамчылык жолу менен 60 000 АКШ долларынан ашык акча каражатын ээлеп алуу фактысы боюнча кылмыш иши иликтенүүдө. Жогоруда көрсөтүлгөн жаран батир сатып алууга жардам берем деп убада берген.

Бирок акча алгандан кийин изин жашырып кеткен. Өзүң жасап ала турчу курулуп жаткан үйлөрдөн батирлерди убада кылган. Ошол эле учурда кардарларды башка бирөөнүн батирине алып келип көрсөткөн. Ошондой эле ал айрым жарандардан жүз миң АКШ долларынан ашык акча каражатын ээлеп алгандыгы тууралуу маалымат келип жатат.

Акча операциялары түздөн-түз ал аркылуу жүргүзүлгөн. Учурда алдамчылыкка шектелгендердин колунан 70ден ашык адам жабыркаганы аныкталды. Андан дагы жабыркагандар болушу мүмкүн.&nbsp; Жабырлануучуларга келтирилген жалпы зыян 500 000 доллардан ашат жана бул азырынча алдын ала маалыматтар.

Мындан тышкары, шектүү өзүнүн анкеталык маалыматтарын бир нече жолу, фамилиясын төрт жолу өзгөрткөнү аныкталды. 2022-жылы Бишкек шаарынын Ленин райондук ички иштер башкармалыгы тарабынан жер тилкелерине байланыштуу алдамчылык фактылары боюнча издөө жарыяланган. Чебердик менен өзүн жасалмалап,&nbsp; сырткы көрүнүшүн өзгөрткөнгө да жетишкен.

Кечээ, 23-ноябрда шектүүнү Бишкек шаарынын аймагында ИИМдин КИББдин кызматкерлери кармашкан. Учурда ал Бишкек шаарынын ИИББдин убактылуу кармоочу жайына киргизилди.&nbsp;

Тергөө иштери жүрүп жатат.

 
ИИМдин Басма сөз кызматы

ИИМ: Кыймылсыз мүлктөргө жана жер тилкелерине байланышкан  алдамчылыкка шектелген жаран кармалды

2023-жылдын 21-24-ноябрында Бишкек шаарында Баңги заттарды мыйзамсыз жүгүртүү жана Жакынкы жана Орто Чыгыштагы ага байланыштуу маселелер боюнча Подкомиссиянын 56-жыйыны болуп өттү, ал БУУнун баңги заттар боюнча комиссиясынын көмөкчү органы болуп саналат, ошондой эле баңги заттарды көзөмөлдөө жана эл аралык мамилелерди түзүү чөйрөсүндөгү актуалдуу маселелерди талкуулоо жана тажрыйба алмашуу үчүн натыйжалуу аянтча болуп саналат. 
 
Подкомиссиянын ишине 80ден ашык делегат катышты, алар Азербайжан, Бахрейн, Индия, Иран, Ирак, Иордания, Казакстан, Кувейт, Кыргызстан, Катар, Оман, Пакистан, Сауд Арабиясы, Тажикстан, Бириккен Араб Эмираттары, Йемен, Түркмөнстан, Армения, Германия, Италия, Россия, БУУнун Баңгизаттар жана кылмыштуулук боюнча башкармалыгы, ЦАРИКЦ, Европа Биримдиги, Баңги кылмыштуулукка каршы маалымат борбору, Араб өлкөлөрүнүн ички иштер министрлер Кеңешинин Катчылыгы жана башкалар.&nbsp;

Иш-чаранын ачылышында куттуктоо сөздөрүн Улуу Урматтуу Мигель Камило Руис Бланко, БУУнун наркотикалык заттар боюнча комиссиясынын төрагасы Гада Вали айым, БУУ БКБнын аткаруучу директору Ашита Миттал айым, БУУ БКБнын Борбордук Азия боюнча аймактык өкүлү, КР Ички иштер министринин орун басары Нурбек Абдиев, КР Саламаттык сактоо министрлигинин дары-дармек жана медициналык техника Департаментинин директору Мариям Джанкорозова сүйлөштү.

Нурбек Абдиев өз сөзүндө иш-чаранын катышуучуларын Подкомиссиянын 56 жылдык мааракеси менен куттуктап, Подкомиссия жарым кылымдан бери баңги заттарды мыйзамсыз жүгүртүүгө каршы аракеттенүүгө багытталган аймактык иш-чараларды координациялоо жана кызматташууну өнүктүрүү боюнча өз милдеттерин аткарып келе жаткандыгын, ошондой эле бул чөйрөдөгү артыкчылыктуу көйгөйлөрдү аныктоодо жана БУУнун баңги заттар боюнча комиссиясынын сунуштарын иштеп чыгууда ролу чон экендигин белгиледи. 
 
Подкомиссиянын катышуучулары глобалдык баңги көйгөйүн чечүүдөгү аймактык жана субрегионалдык кызматташтыкка тиешелүү актуалдуу маселелерди, анын ичинде баңги затын мыйзамсыз өстүрүүнү жана өндүрүүнү кыскартуу жана альтернативдик өнүгүүгө көмөктөшүү, &nbsp;кылмыштуу кирешелерди адалдоого, мыйзамсыз финансылык агымдарга жана баңги бизнесинде &ldquo;көмүскө тармакты&rdquo; жана криптовалюталарды колдонууга каршы күрөшүү, прекурсордук химиялык заттарды мыйзамсыз өндүрүүгө каршы күрөшүү жана баңги затын мыйзамсыз жүгүртүү менен айлана-чөйрөнүн ортосундагы байланышты изилдөөнү талкуулашты.

 
Сессиянын жыйынтыгы боюнча төрагалык кылуучу өлкө Кыргыз Республикасы тарабынан БУУнун баңги заттар боюнча комиссиясынын 2024-жылдын мартында Вена шаарында өтө турган кезектеги отурумунда аларды кароо жана дүйнөлүк баңги заттарга көзөмөлдү аныктоодо колдонуу үчүн карала турган сунуштамалар кабыл алынды. 
&nbsp;

ИИМдин Басма сөз кызматы

Кыргыз Республикасынын Ички иштер министрлигинин башчысынын орун басары Нурбек Абдиев Жакынкы жана Ортоңку Чыгыштагы баңги заттарды мыйзамсыз жүгүртүү жана ага байланыштуу маселелер боюнча Подкомиссиянын 56-жыйынына катышты

2023-жылдын 23-ноябрында С.Ибраимов атындагы Ош улуттук драма театрында &ldquo;Улуу инсандардын насааттары&rdquo; аттуу иш-чара өткөрүлдү. 
Аталган иш-чарага Кыргыз Республикасынын Мамлекеттик катчысы Сүйүнбек Касмамбетов, Ош облусунун ички иштер башкармалыгынын башчысы Жеңишбек Джоробеков, КР Президентинин Ош облусундагы ыйгарым укуктуу өкүлүнун орун басары Эрнис Толтоев, ички иштер органдарынын ардагери, милицциянын отставкадагы полковниги Шамшыбек Мамыров, өздүк курамы, Ош облусунун аймагында жергиликтүү мамлекеттик администрациялардын, &nbsp;өз алдынча башкаруу органдарынын, коомдук алдын алуу борборлорунун жана дин өкүлдөрү, спортчулар катышышты. 
Жолугушууда мамлекеттик катчы С.Касмамбетов: Бүгүнкү күндө жаштарга кандай тарбия бериш керек экендиги боюнча сөз сүйлөп, &nbsp;кеп-кеңешин &nbsp;айтып өттү. 
&quot;Ата-бабаларыбыз жаштарды тарбиялоодо ар кандай &nbsp;маанидеги окуяларды айтып, ар кандай &nbsp;үлгүлөр менен улап, курап элге айты келишкен. Салт-санааларды, үрп-адаттарды үйрөтүп жатып, мына ушул окуялардын көрүнүшү улуттук идеялогиялык нак-насилдик указдардын өзөгүн түзүп жатат. 
Ошондой эле, жаштар өлкөнүн азыркысы жана келечеги. Жаңыча ой жүгүртү, изденүү, жаратман, эмгекчил, сергек келечекке жоопкерчилик менен караган улуттун нарк-насилди алып жүргөн, улуттук маданиятты сүйгөн, мекенчил жаштардан болуп, татыктуу билим алуу менен мамлекетке кызмат кылып, эл журттун керегине жараган жаштарды тарбиялоо баарыбыздын милдетибиз жана парзыбыз&quot;,-деди &nbsp;С. Касмамбетов. 
Мындан сырткары иш-чарада төмөнкүдөй маселелер талкууланды: аялдарга жана жаш балдарга карата жасалган үй-бүлөөлүк зордук зомбулук маселеси, кыз ала качуу жана эрте никеге туруу жана балдарды кылмыштуу чөйрөдөн тартуу, оолак кылуу &nbsp;маселеси. 
Бардык маселелерди талкуулагандан кийин катышуучулар ишмердүүлүктүн бардык деңгээлдеринде ишке ашыруу зарыл экендигин белгилешти. 
Аталган конференция Кыргыз Республикасынын Президентинин &ldquo;Инсандын руханий адеп-ахлактык өнүгүүсү жана дене тарбиясы жөнүндө&rdquo;&nbsp;Жарлыгынын алкагында өткөрүлдү. 
Ош ОИИБдин Басма сөз кызматы

Ош ОИИБи: Улуу инсандардын насааттарын угуу туура жолго багыт алууда чоң өбөлгө түзөт

Ички иштер министринин орун басары Октябрь Урмамбетов Түрк кызматташтык жана координация агенттигинин (ТИКА) программалык координатору Мехмет Бодур мырза менен жолугушуу өткөрдү. 
 
Тараптар Кыргызстандын Ички иштер министрлиги менен ТИКАнын өз ара аракеттешүүсүнүн мүмкүн болгон багыттарын, тактап айтканда, коомдук тартипти сактоого техникалык колдоо көрсөтүүгө багытталган долбоорлорду жана программаларды талкуулашты. 
 
Жолугушуунун жыйынтыгы боюнча Кыргыз Республикасынын ИИМ жана ТИКА ортосундагы кызматташтыкты улантуу жөнүндө макулдашууга жетишти. 
 
Белгилей кетсек, Түркия Республикасынын Маданият жана туризм министрлигинин алдындагы Кызматташтык жана координация&nbsp; агенттиги (ТИКА) 1992-жылы, Советтер Союзу жана Чыгыш Европа Социалисттик блогу кулагандан кийин, өнүгүп келе жаткан өлкөлөргө техникалык жардам көрсөтүү жана алар менен экономика, соода, техника, маданият, билим берүү жана социалдык өнүктүрүү чөйрөсүндө долбоорлору жана программалары аркылуу мамилелерди өнүктүрүү максатында түзүлгөн. 
&nbsp;

ИИМдин Басма сөз кызматы

ИИМде Түрк кызматташуу жана координация агенттигинин (ТИКА)  өкүлдөрү менен кызматташуу маселелери талкууланды

Жол кыймылынын коопсуздугун камсыздоо башкы башкармалыгы Чүй ЖКККБнын кызматкерлери менен биргеликте мектеп окуучулары үчүн чакан акция өткөрүп, Чүй ЖКККБнын жаңы салынган имараты менен тааныштырып, кызматкерлердин күнүмдүк ишмердүүлүгүн көрсөтүшүп, ошондой эле кызматтык унаанын атайын каражаттарын, жумуш учурунда керектелүүчү шаймандарын көрсөтүп түшүндүрүп беришти.

Иш-чаранын соңунда атайын окуучулардын коопсуздугу үчүн даярдалган&nbsp; жарык чагылдыруучу каражаттарды таратышты.

Бул каражаттар авто унаа айдоочуларына түнкү убакытта&nbsp; жүз метр алыстыкта жаркырап көрүнүп, жол кырсыктарынын алдын алууда чоң жардам берет.

Эскерте кетсек, бул жарык чагылдыруучу каражаттарды Жол кыймылынын коопсуздугун камсыздоо башкы башкармалыгы демөөрчүлөрдүн жардамы менен даярдап, 12 миң&nbsp; 200 даана жарык берүүчү каржаттарды&nbsp; өлкөнүн баардык аймагындагы орто мектептерге окуучулар үчүн таратып беришүүдө.

 
ЖКККББнын басма сөз кызматы

ЖКККББ: Мектеп окуучуларына жарык чагылдыруучу каражаттар таратылууда

Кыргыз Республикасынын ИИМдин Жол кыймылынын коопсуздугун камсыздоо башкы башкармалыгы тарабынан күйүүчү, уулуу, радиоактивдүү, жарылуучу материалдар бар автоунааларды, жүктөрдү узатуу белгиленген баада, алдын ала макулдашуу боюнча жүзөгө ашырылат:

&nbsp;

Кыргыз Республикасынын жеке жана юридикалык жактар үчүн 1 саат убактысына&nbsp; (унаа узатуу) ЖККББ бир кызматкери үчүн төлөм - 184,0 сом, чет элдик биргелешкен ишканалар жана уюмдар үчүн - 790,0 сом;

&nbsp;

Кыргыз Республикасынын жеке жана юридикалык жактар үчүн автоуналаарды коштоо 1 км баасы - 15,0 сом, чет элдик биргелешкен ишканалар жана уюмдар үчүн - 36,0 сом.

&nbsp;

Коркунучтуу, баалуу ж.б. жүктөрдү ташууну алдын ала маршрутун макулдашуу, керектүү өзгөртүүлөрдү киргизүү үчүн атайын уруксат - 440,0 сом;

Оор жүктөрдү ташуу үчүн транспорт каттамын макулдашуу жана кошумча жабдууларды орнотуу үчүн уруксат - 260,0 сом.

&nbsp;

Байланыш телефону:&nbsp;

&nbsp;

КР ИИМ ЖККББ: 0(555) 60-60-03;

ЖҮКТӨРДҮ КОШТОО

Кыргыз Республикасынын Ички иштер министрлигинин

Мамлекеттик адистештерилиген күзөт кызматынын башкы башкармалыгын

Түзүм бөлүмдөрү тарабынан көрсөтүлгөн кызматы үчүн төлөмдөрдүн

ТИЗМЕСИ

&nbsp;

<table border="1" cellpadding="0" cellspacing="0">
	<tbody>
		<tr>
			<td style="vertical-align:top">№</td>
			<td style="vertical-align:top">Күзөт түрлөрү</td>
			<td style="vertical-align:top">Баасы, сом</td>
		</tr>
		<tr>
			<td style="vertical-align:top">1</td>
			<td style="vertical-align:top">
			Кароолдук стационардык күзөтүү кызматы:

			-текшерүү пунктусуз, саатына

			-текшерүү пункту, саатына
			</td>
			<td style="vertical-align:top">
			&nbsp;

			66

			76
			</td>
		</tr>
		<tr>
			<td style="vertical-align:top">2</td>
			<td style="vertical-align:top">Обьектилерди милиция тарабынан жөө кайтаруу кызматы, саатына</td>
			<td style="vertical-align:top">&nbsp; &nbsp; &nbsp; &nbsp; 31</td>
		</tr>
		<tr>
			<td style="vertical-align:top">
			3

			&nbsp;

			&nbsp;
			</td>
			<td style="vertical-align:top">
			Борборлоштурулган көзөмөлдөөчү түйүнгө (БКТ) кошулган обьектилердин сааттык баасы

			1- даражадагы

			2- даражадагы

			3- даражадагы

			4- даражадагы

			5- даражадагы
			</td>
			<td style="vertical-align:top">
			&nbsp;

			&nbsp;

			20

			17

			14

			11

			8
			</td>
		</tr>
		<tr>
			<td style="vertical-align:top">4</td>
			<td style="vertical-align:top">Борборлоштурулган көзөмөлдөөчү түйүнгө бир ачкыч менен кошулган өрт коопсуздугуна төлөнүүчү төлөм, айына</td>
			<td style="vertical-align:top">
			&nbsp;

			3586
			</td>
		</tr>
		<tr>
			<td style="vertical-align:top">5</td>
			<td style="vertical-align:top">Күзөт жана өрткө каршы орнотулган аппаратуранын бир айдагы тейлөө баасы</td>
			<td style="vertical-align:top">
			&nbsp;

			146
			</td>
		</tr>
		<tr>
			<td style="vertical-align:top">6</td>
			<td style="vertical-align:top">Шаардык бөлүмдөрдүн (бөлүмчөлөр) объектилерди, жеке жана юридикалык жактарды кайтаруудагы милиция кызматкеринин бир жылдык камсыздоо акысынын (тарифи) баасы</td>
			<td style="vertical-align:top">
			&nbsp;

			310819
			</td>
		</tr>
		<tr>
			<td style="vertical-align:top">7</td>
			<td style="vertical-align:top">Областардагы бөлүмдөрдүн (бөлүмчүлөр) милициянын кызматкеринин бир жылдык камсыздоо акысы (тарифи) баасы</td>
			<td style="vertical-align:top">&nbsp; &nbsp; 309791</td>
		</tr>
		<tr>
			<td style="vertical-align:top">8</td>
			<td style="vertical-align:top">Райондордогу бөлүмдөрдүн (бөлүмчөлөр) милиция кызматкеринин бир жылдык камсыздоо акысынын (тарифи) баасы</td>
			<td style="vertical-align:top">
			&nbsp;

			287800
			</td>
		</tr>
		<tr>
			<td style="vertical-align:top">9</td>
			<td style="vertical-align:top">Нарын областынын милиция кызматкеринин бир жылдык камсыздоо акысынын (тарифи) баасы</td>
			<td style="vertical-align:top">&nbsp; &nbsp; 368106</td>
		</tr>
		<tr>
			<td style="vertical-align:top">10</td>
			<td style="vertical-align:top">Чет элдик мамлекеттердин өкүлчүлүктөрүн, жеке жана юридикалык жактарын кайтаруудагы күзөт кызматынын тескөөчүсүнүн бир жылдык камсыздоо акысынын (тарифи) баасы</td>
			<td style="vertical-align:top">
			&nbsp;

			337678
			</td>
		</tr>
		<tr>
			<td style="vertical-align:top">
			&nbsp;

			11
			</td>
			<td style="vertical-align:top">Коммерциялык иштерди жана жүк коштоодо, милиция кызматкеринин бир саатык кызмат өтөө (тарифи) баасы</td>
			<td style="vertical-align:top">
			292

			&nbsp;
			</td>
		</tr>
		<tr>
			<td style="vertical-align:top">12</td>
			<td style="vertical-align:top">
			Дүрбөлөң коңгуроосунун бир сааттык кызмат (тарифи) баасы

			1- даражадагы

			2- даражадагы

			3- даражадагы

			4- даражадагы

			5- даражадагы
			</td>
			<td style="vertical-align:top">
			&nbsp;

			20

			17

			14

			11

			8
			</td>
		</tr>
		<tr>
			<td style="vertical-align:top">13</td>
			<td style="vertical-align:top">Кызмат убактысынан тышкары (кызматкердин эс алуу убактысында), келишимдин негизинде кайтаруунун баасы бир айга 25902 сомдон ашпоосу зарыл.</td>
			<td style="vertical-align:top">
			&nbsp;

			25902
			</td>
		</tr>
		<tr>
			<td style="vertical-align:top">14</td>
			<td style="vertical-align:top">Банкоматты &nbsp; 1 (бир сааттык кайтаруунун баасы)</td>
			<td style="vertical-align:top">&nbsp; &nbsp; &nbsp; &nbsp; 11</td>
		</tr>
		<tr>
			<td style="vertical-align:top">15</td>
			<td style="vertical-align:top">Аскерлештирилген күзѳт кызматкерлеринин жылдык баасы</td>
			<td style="vertical-align:top">&nbsp; &nbsp; 166238</td>
		</tr>
	</tbody>
</table>

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Эскертүү: райондук жана тоолуу аймактарга ылайык жер-жерлерде, акчалай камсыздоонун өлчөмү коэффициентке жараша көбөйөт.

&nbsp;

Борборлоштурулган көзөмөлдөөчү түйүн аркылуу атуулдардын турак-жайын кайтаруу

<table border="1" cellpadding="0" cellspacing="0">
	<tbody>
		<tr>
			<td style="vertical-align:top">Турак жайдын түрү</td>
			<td style="vertical-align:top">Төлөм айына (сом)</td>
			<td style="vertical-align:top">Бекитилген тарифтерден жеңилдетилген төлөө акысы</td>
		</tr>
		<tr>
			<td style="vertical-align:top">Бир, эки, үч бөлмөлүү батирлер жана жеке менчик үйлөр, турак жай аянты 100 кв/м ашпаган</td>
			<td style="vertical-align:top">700</td>
			<td rowspan="4" style="vertical-align:top">
			&nbsp;

			- Улуу Ата мекендик согуштун катышуучула-рына жана майыптарына -50%;

			&nbsp;

			&nbsp;

			-Афганистан согушуна катышкан атуулдарга, Чернобыль АЭС кырсыгына кабылгандарга - 20%;

			&nbsp;

			&nbsp;

			&nbsp;

			-Ички иштер министрлигинин кызматкерлерине, ошондой эле кызмат өтөөнүн пенсияга укук берүүчү белгиленген мөөнөтүн өтөгөндөргө, &nbsp; жаш курагына же оорусуна байланыштуу эс алууга чыккан ИИМнин кызматкерлерине -50 %.
			</td>
		</tr>
		<tr>
			<td style="vertical-align:top">Төрт, беш бөлмөлүү батирлер жана кабаттуу жеке менчик үйлөр, турак жай аянты 100 кв/м ден 200 кв/м ге чейинки</td>
			<td style="vertical-align:top">
			1395

			Борбордук көзөмөлдөө түйүнүнүн өзүнчө багытына кошулуу аркылуу сактоонун 1 жана 2 чегин кошумча блокировкалоо же төлөө акысы&nbsp;3586 сомдук&nbsp;шлейфти Борбордук көзөмөлдөө түйүнүнүн бир ачкычын ээлөө менен
			</td>
		</tr>
		<tr>
			<td style="vertical-align:top">
			&nbsp;

			Кабаттуу жеке менчик үйлөр, турак жай аянты 200 кв/м ден ашкан
			</td>
			<td style="vertical-align:top">
			1395

			Борбордук көзөмөлдөө түйүнүнүн өзүнчө багытына кошулуу аркылуу сактоонун 1, 2 жана 3 чегин кошумча блокировкалоо же төлөө акысы&nbsp;3586 сомдук&nbsp;шлейфти Борбордук көзөмөлдөө түйүнүнүн бир ачкычын ээлөө менен
			</td>
		</tr>
		<tr>
			<td style="vertical-align:top">Батирлер жана жеке менчик үйлөрдө жана башкалардагы дүрбөлөң баскычы</td>
			<td style="vertical-align:top">Борбордук көзөмөлдөө түйүнүнүн бир ачкычын же шлейфти ээлөө үчүн төлөө акысы&nbsp;3586 сом</td>
		</tr>
	</tbody>
</table>

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Эскертүү:&nbsp;Борборлоштурулган көзөмөлдөөчү түйүнгө кошулган атуулдардын турак-жайын кайтаруу, анын мүлкүнүн баасы 50000 сомго чейин болсо - 700 сом, ошону менен бирге атуулдун мүлкү мурдагы баасынан көбөйсө, төлөө өлчөмү ар бир 10000 сомуна&nbsp;30 сомго&nbsp;жогорулайт.

&nbsp;

&nbsp;

Кыргыз Республикасынын

ИИМдин МАККББ

КАЙТАРУУДАГЫ ОБЪЕКТИЛЕР

Кыргыз Республикасынын Ички иштер министрлигинин түзүлүшүндө ведомстволук медициналык кызматы каралган.

Анын негизги милдеттерди:

-&nbsp; ички иштер органдарынын өздүк курамынын ден-соолугун чыңдоо;

-&nbsp; ички иштер органдарында аскердик-дарыгердик экспертизасын уюштуруу;

- ИИО өткөргөн аскердик-мобилизациялык жана коомдук иш-чараларда медициналык камсыздоону уюштуруу;

- ички иштер органдарынын өздүк курамын кызматтык ишмердүүлүккө психологиялык камсыздоо, кызматкерлерди психологиялык реабилитациялоодон өткөрүү;

- ички иштер мекемелеринде жана бөлүктөрүндө санитардык-гигиеналык жана эпидемияга каршы иш-чараларды уюштуруу жана өткөрүү.

ИИМдин медициналык кызматынын башында &ndash; Медициналык башкармалыгы турат. Аткарыла турган милдеттердин негизинде төмөнкү бөлүмдөрү бар:

ИИМдин: 50 орундук Ооруканасы, Бейтапканасы, Аскердик-дарыгердик комиссиясы, Санитардык-эпидемиялык көзөмөлдөө борбору жана Психологиялык кызматы менен Тиш-дарылоо кызматы. Облусттарда амбулаториялары, күндүзгү ооруканасы, аймактык аскердик-дарыгердик комиссиялары бар медициналык кызматтары, Ош шаарында 25 орундуу дарылоо борбору жана бейтапканасы бар.

ИИМдин дарылоо-алдын алуу мекемелери ички иштер органдарынын кызматкерлерин, ИИОнун пенсионерлерин жана кызматкерлердин үй-бүлө мүчөлөрүн, Кыргыз Республикасынын Өкмөтүнө караштуу Жазаларды аткаруу мамлекеттик кызматынын кызматкерлерин, келишимдин негизинде башка укук коргоо органдарынын кызматкерлерин (КРнын Өкмөтүнө караштуу мамлекеттик бажы кызматы, Башкы прокуратура, КРнын Өкмөтүнө караштуу Экономикалык кылмыштарга каршы күрөшүү боюнча мамлекеттик кызматы, КРнын Өзгөчө кырдаал министрлигинин мамлекеттик өрткө каршы кызматы) медициналык жактан камсыздайт.

ИИМдин бейтапканасы 15 дарыгердик адистиги боюнча квалификациялык медициналык жардам көрсөтөт. Дарт аныктоочу изилдөөлөрдү жүргүзөт &ndash; рентгенологиялык, ультразвуктук, ЭКГ, лаборатордук: клинико-биохимиялык, бактериялогиялык, ВИЧ инфекциясын аныктоочу.

Акы төлөөнүн негизинде (бюджеттик каржылоодон тышкары) элге тиш-дарылоо жана тиш жасоо жардамын көрсөтөт.

ИИМдин аскердик-дарыгердик комиссиясы жана облусттардын аймактык аскердик-дарыгердик комиссиялары коргоо органдарына кызмат өтөөгө кирип жана ИИМдин окуу жайларына окууга өтүп жаткан жарандарды аскедик-дарыгердик медициналык күбөлөндүрүүдөн өткөрөт.

Психодиагностикалык борбору кызматка кабыл алынып жаткан жарандардын психологиялык жарамдуулугун аныктайт.

ИИМдин санитардык-эпидемиялогиялык борбору санитардык-эпидемиологиялык экспертиза, иликтөө, бактериялогиялык текшерүү жана башка баа берүүнүн түрлөрүн уюштурат жана өткөрөт. Башка кесиптин кызматкерлерине алдын ала жана мезгил-мезгили менен медициналык кароодон өткөрүүнү камсыз кылат.

<ul>
	<li>&nbsp;</li>
</ul>

МЕДИЦИНАЛЫК КЫЗМАТЫ

Кыргыз Республикасынын аймагында кылмыш жоопкерчилигине тартылгандыгы жөнүндө, соттуулугунун болушу же жоктугу жөнүндө маалым кат

Маалым катты электрондук форматта Кыргыз Республикасынын Электрондук кызматтардын мамлекеттик порталы аркылуу алса болот - (<a href="http://www.portal.tunduk.kg" style="color:#0563c1; text-decoration:underline">www.portal.tunduk.kg</a>)

Төмөнкү кызматтарды колдоно аласыздар:

1. Маалым катты акысыз негизде (7 жумушчу күн) же шашылыш түрдө, акы төлөнүүчү негизде (1 же 3 жумушчу күн) алуу үчүн арыз тапшыруу - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

2. Маалым каттын даяр болгондугун текшерүү - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

Көрсөтүлгөн кызматтар Мамлекеттик электрондук кызматтар порталына катталган колдонуучулары үчүн гана жеткиликтүү.&nbsp; 2 жол менен катталууга болот:

&bull; 2017-жылдагы үлгүдөгү электрондук ID картаны колдонуу менен;

&bull; булутка негизделген электрондук кол тамганы колдонуу менен. Булутка негизделген электрондук кол тамга өлкөнүн бардык калкты тейлөө борборлорунда бекер берилет.

Суроолор боюнча ушу номерге кайрылсаңыздар болот: 119. Каттоо боюнча толук нускамаларды шилтеме боюнча &quot;Нускама&quot; бөлүмүнөн тапса болот - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

<a name="_Hlk90655764">Суроолор болгон учурда &nbsp;төмөнкү телефон номерлерине </a>(0312) 988123 (кошумча 445, 545) (www.portal.tunduk.kg) <a name="_Hlk90655791">кайрылууңуздарды суранабыз.</a>

Ошондой эле, Маалым катты акысыз негизде алуу үчүн&nbsp; &laquo;Бирдиктүү терезе&raquo; режиминдеги мамлекеттик кызмат көрсөтүү борборуна же пунктуна, белгиленген формага ылайык, жазуу жүзүндө өздүгүн тастыктаган документтин көчүрмөсү тиркелген арыз тапшырууңуз керектигин билдиребиз.

Ошондой эле, Маалым катты алуу үчүн арыздар Бишкек шаарынын аймагында жайгашкан Калкты тейлөө борборлору аркылуу кабыл алынат. Маалым катты берүү Бишкек ш., Курманжан Датки көч., 115а (Чүй обл.ИИББнын имараты) дареги боюнча жайгашкан Кыргыз Республикасынын ИИМдин МТББнын &laquo;Бирдиктүү терезе&raquo; режиминдеги мамлекеттик кызмат көрсөтүү борборунда жүргүзүлөт.

Маалым катты &nbsp;шашылыш түрдө, акы төлөнүүчү негизде (1 жана 3 жумушчу күн) алуу үчүн арыздар&nbsp; төлөм терминалдары жана электрондук капчыктар аркылуу тапшырылат, мында жеке идентификациялык номерин киргизүү, ошондой эле алуу жерин жана байланыш телефонун көрсөтүү зарыл.

Шашылыш түрдө мамлекеттик кызмат көрсөтүүнүн баасы:

- 3 жумушчу күн - 86 сом;

- 1 жумушчу күн - 191 сом.

Эгерде Маалым катты алуу үчүн төлөмү менен арыз түшкү саат 12:00дөн кийин тапшырылса, анда Маалым кат бир жумушчу күндөн кийин берилет. Маалым каттарды берүү &ldquo;Бирдиктүү терезе&rdquo; режиминдеги мамлекеттик кызматтарды көрсөтүү борборлорунда жана пункттарында саат 16:00дөн 18:00гө чейин жүргүзүлөт. Суроолор болгон учурда&nbsp; төмөнкү телефон номерлерине (0312) 369-418, (0312) 369-417 кайрылууңуздарды суранабыз.

Шашылыш түрдө, акы төлөнүүчү негизде арыз тапшыруу учурунда, Маалым кат алуу үчүн&nbsp; өздүгүн тастыктаган документти жана кызмат көрсөтүү үчүн төлөмдүн квитанциясын көрсөтүү керек. Эгерде жаран кызматты алуу үчүн органга өз алдынча кайрыла албаса, анда башка адам кызматты алууга муктаж болгон жарандын нотариалдык жактан күбөлөндүрүлгөн ишеним каты жана паспортунун көчүрмөсү менен кайрыла алат. Эгерде жарандын жеке идентификациялык номери жок болсо, анда Маалым кат алуу боюнча арыз тапшыруу мүмкүнчүлүгүнө ээ болуу үчүн жеке штрих-кодду алууга &ldquo;Бирдиктүү терезе&rdquo; режиминдеги мамлекеттик кызмат көрсөтүү борборуна же пунктуна кайрылуусу зарыл.

Жарандардын ыңгайлуулугу үчүн Кыргыз Республикасынын ички иштер органдарынын аймактык бөлүмдөрүндө &laquo;Бирдиктүү терезе&raquo; режиминдеги мамлекеттик кызматтарды көрсөтүү борборлору жана пункттары, төмөнкү даректер боюнча ачылган.

Борборлор:

<ul>
	<li>Бишкек ш., Чүй облусу -Бишкек ш., Курманжан Датка көч., 115а (Чүй облустук ИИББнын имаратында);</li>
	<li>&nbsp;</li>
	<li value="5">Жалал-Абад облусу - Жалал-Абад ш., Шопоков көч., 37;</li>
	<li>&nbsp;</li>
	<li value="5">Ош облусу &ndash; Ош ш., Ленин көч., 199;</li>
	<li>&nbsp;</li>
	<li value="5">Баткен облусу &ndash; Баткен ш., Раззаков көч., 4;</li>
	<li>&nbsp;</li>
	<li value="5">Нарын облусу -Нарын ш., Ленин көч., 27;</li>
	<li>&nbsp;</li>
	<li value="5">Ысык-Көл облусу &ndash; Каракол ш., Кутманалиев көч., 146а;</li>
	<li>&nbsp;</li>
	<li value="5">Талас облусу &ndash; Талас ш., Турдалиев көч., 191.</li>
</ul>

Пункттар:

<ul>
	<li>Чүй облусу - Жайыл райондук жана Токмок шаардык ИИБларынын имараттарында;</li>
	<li>&nbsp;</li>
	<li>Жалал-Абад облусу - Ала-Бука, Токтогул, Тогуз-Торо, Ноокен райондук жана&nbsp; Каракөл, Таш-Көмүр шаардык ИИБларынын имараттарында;</li>
	<li>&nbsp;</li>
	<li>Ош облусу - Алай, Кара-Кулжа, Өзгөн, Араван жана Ноокат райондук ИИБларынын имараттарында;</li>
	<li>&nbsp;</li>
	<li>Баткен облусу - Кызыл-Кыя, Сүлүктү шаардык жана Кадамжай, Лейлек райондук ИИБларынын имараттарында;</li>
	<li>&nbsp;</li>
	<li>Нарын облусу - Кочкор, Ак-Талаа, Ат-Башы жана Жумгал райондук ИИБларынын имараттарында;</li>
	<li>&nbsp;</li>
	<li>Ысык-Көл облусу - Балыкчы шаардык жана Ысык-Көл, Жети-Өгүз, Тоң, Ак-Суу, Түп райондук ИИБларынын имараттарында;</li>
	<li>&nbsp;</li>
	<li>Талас облусу - Кара-Буура, Манас, Бакай-Ата жана Талас райондук ИИБларынын имараттарында.</li>
</ul>

СОТТОЛГОНДУГУ ЖӨНYНДӨ ТАКТАМА

ЛИЦЕНЗИЯ-УРУКСАТ БЕРYY ИШИ

<a href="https://portal.tunduk.kg/">Жөнөө</a>

КЫРГЫЗ РЕСПУБЛИКАСЫНЫН ИЧКИ ИШТЕР МИНИСТРЛИГИ

Кабарлар

Кызматтар

Рубрикалар

Аймактык ички иштер органдары

Бишкек ШИИББи