ИИМ: Улан Ниязбеков Баткен облусунун Лейлек районундагы курулуп жаткан милициянын имараттары менен таанышты

2021-жылдын 27-августунда Кыргыз Республикасынын ички иштер министри, милициянын генерал-майору Улан Ниязбеков Баткен облусуна иш сапары менен барып, апрель окуяларында талкаланган милициянын аймактык бөлүмчөсүнүн жана  милициянын аймактык пунктунун курулуш иштери менен таанышты.

Эскерте кетсек, 2021-жылдын апрель айынын аягында чек арага чектеш аймактарда куралдуу кагылышуу болуп, анда бир катар имараттар талкаланып, жараксыз абалга келген. Учурда Баткен облусунун Лейлек районунун Жаңы-Жер айылындагы  Милициянын аймактык бөлүмчөсүнүн жана Арка-2 айылындагы  Милициянын аймактык пунктунун курулуш иштери менен таанышты. Бүгүн ички иштер министри Улан Ниязбеков аталган имараттардын курулуш иштеринин жүрүшүн дыкат текшерип, ИИМ тарабынан керектүү жардамдар берилип жаткандыгын баса белгилөө менен  бирге милициянын бөлүмчөсүн жана атайын пунктунун  ишин тез арада аяктап, ишке берилишин талап кылды.

 

ИИМдин Басма сөз кызматы